Show Courage Wen Guys Go Agains You

Read um Jeremiah 38:1-13 fo learn how da prophet Jeremiah an da eunuch Ebed-Melek can teach you how fo show courage.

Look wat stay goin on. How come Jeremiah wen need courage fo tell peopo da message from Jehovah? (Jer 27:12-14; 28:15-17; 37:6-10) How da peopo wen ack afta dey wen hea wat Jeremiah wen tell?​—Jer 37:15, 16.

Dig moa deep. Wat kine presha Jeremiah wen go tru? (jr-E 26-27 ¶20-22) Try research moa about da big watta holes back den. (it-1-E 471) How you tink Jeremiah had feel wen he wuz in da big hole wit mud? Wat kine tings Ebed-Melek coulda been sked of dat he had fo work tru?​—w12-E 5/1 31 ¶2-3.

Tink about da tings you wen learn. Ask yoaself:

• Wat dis Bible exampo teach me about how Jehovah proteck da guys who stay loyal to him? (Songs 97:10; Jer 39:15-18)

• Wat times I goin need fo show courage?

• How I can make my courage fo do wass right moa strong fo wen guys go asgains me? (w11-E 3/1 30)a