Learn From Da Pichas

You can learn plenny from da pichas inside oua publications. How you can use dese pichas fo help you?

• Try look da pichas befoa you read da article cuz can get you excited fo read um. Jus like wen you see ono food, you no can wait fo eat um​—Amos 7:7, 8.

• Wen you reading da article, try tink about how come dey wen pick dese pichas. If get, look at da words wit da picha. Tink about da connecktion between da picha, da paragraph, an yoa own life.

• Afta you pau read da article, look da pichas again fo help you rememba da main points. Try close yoa eyes an rememba da pichas an wat you wen learn.

• Try look da pichas inside dis magazine an see if you can rememba wat da ting stay about.