Da Bible Can Help Me Have One Happy Ohana, Or Wat?

Wat Da Bible Tell

Yes. Try check out some of da Bible’s mana’o dat wen help choke ohana’s fo be happy:

1. Make shua yoa marriage stay legal. Promising fo stay togedda fo life, by getting married an making um legal iz da start fo one solid ohana.​—Matthew 19:4-6.

2. Show love an aloha. Dat mean showing yoa odda half respeck an treating dem da same way you like be treated.​—Matthew 7:12 NWT; Fo Da Efesus Peopo 5:25, 33.

3. Talk nice to each odda. No can talk anykine to yoa odda half, even if dey stay making lidat to you. (Fo Da Efesus Peopo 4:31, 32) Da Bible tell us in Smart Guys 15:1, “Wen somebody no talk nice to you, talk back with nice kine words an da odda guy goin come quiet one mo time. You talk harsh kine, he goin come all huhu wit you.”

4. No go fool aroun wit somebody else. Ony sleep wit yoa odda half an no check out odda peopo. (Matthew 5:28 NWT) Da Bible tell dat “erybody gotta show plenny respeck fo da guy an wahine dat stay marry. Wen dey sleep togedda, dass good. Az why da husban o da wife betta not fool aroun behind each odda back”.​—Fo Da Hebrew Peopo 13:4.

5. Use aloha wen you teach yoa keiki. Sometimes you gotta punish yoa kids fo teach dem how fo ack but you no can be too hard on dem.​—Smart Guys 29:15; Fo Da Colosse Peopo 3:21.