How Come You No Need Be Sked Fo Mahke?

Da Bible’s ansa

We no like mahke an we do wat we can fo proteck oua life. (1 Fo Da Corint Peopo 15:26) But bulais an superstition can make peopo “sked all da time dey stay alive. Dey sked dey goin mahke, jalike dey slaves.” (Fo Da Hebrew Peopo 2:15) Wen you learn da trut, you no goin be so sked fo mahke dat you no can enjoy life.​—John 8:32.

Da trut bout wen we mahke

• Peopo dat mahke no can tink. (Songs Fo God 146:4) You no need be sked you goin suffa wen you mahke, cuz da Bible tell wen you mahke dass jus like sleep.​—Songs Fo God 13:3; John 11:11-14.

• Peopo who mahke no can hurt us. Da Bible tell dat “no matta dey . . . hate, o come jealous, all dat stuff pau wen dey mahke.”​—Da Teacha 9:6.

• Wen we mahke dat no mean we neva goin live again. God goin bring peopo back to life.​—John 5:28, 29, New World Translation; Jesus Guys 24:15.

• God promise one time wen “nobody goin mahke no moa.” (Jesus Show 21:4) Da Bible tell dat wen dat time come, “da peopo dat do da right ting, dey goin get da land an dey goin stay live dea foeva,” an den nobody goin be sked fo mahke eva again.​—Songs Fo God 37:29.