Iz Bad Fo Gamble?

Da Bible’s ansa

Even tho da Bible no talk a lot about gambling, we can tell from Bible truts dat God no like gambling an it stay one sin.​—Fo Da Efesus Peopo 5:17.a

• Greed iz wat make peopo like gamble, an God hate greed. (1 Fo Da Corint Peopo 6:9, 10; Fo Da Efesus Peopo 5:3, 5) Da money gamblers like win, iz money dat odda peopo goin lose. But da Bible tell az no good fo want da tings odda peopo get.​—Outa Egypt 20:17; Fo Da Rome Peopo 7:7; 13:9, 10.

• Even if peopo gamble ony a litto bit of money, dat can be dangerous cuz dey can start fo love money.​—1 Fo Timoty 6:9, 10.

• Plenny times Gamblers trus superstitions or luck fo win. But God look dose kine tings az idol worship, an he no like dat kine worship.​—Isaiah 65:11.

• Radda den pushing da idea fo get someting from notting, da Bible tell us fo work hahd. (Da Teacha 2:24; Fo Da Efesus Peopo 4:28) Guys dat lissen wat da Bible tell can “use da money [dey] get” from workin hahd.​—2 Fo Da Tessalonika Peopo 3:10, 12.

• Wen somebody gamble it can make dem come real competitive, an da Bible tell dass no good.​—Fo Da Galatia Peopo 5:26.