STUDY 17

Easy Fo Undastan

1 Corint 14:9

MAIN TING: Help yoa lissenas undastan wat you talking about.

Study wat you goin talk about real good. Get fo kno da info real good so you can explain um in one simpo way an wit yoa own words.
Use short sentences an keep um simpo. Longa sentences az okay sometimes, but try tell da main points wit short sentences dass clear.

No give too much extra info dat goin throw off or make um hahd fo yoa lissena. Use simpo kine words, not big words dass hahd fo undastan.
Explain tings peopo neva hea befoa. Try not fo talk bout stuff dat peopo donno. But if you talking bout peopo in da Bible, da way dey measure stuff befoa, or da tings dey did back den, make shua you explain um.