STUDY 11

Show You Really Into Wat You Talking About

Rome 12:11

MAIN TING: Pump up an move yoa lissenas by da way you talk.

Talk from yoa heart. Wen you make ready yoa talk, tink real hahd about how come wat you goin say iz importan. Get fo kno yoa info real good so dat you can talk from da heart.
Tink about yoa lissenas. Tink deep about how da info you use goin help oddas. Tink about how you can say da info in one way dass clear, so yoa lissenas see how iz good fo dem.
Make yoa talk come alive. Talk wit feeling. Use yoa hands in one natural way. Make shua yoa face show how you really feel bout wat you saying.

Wen you use yoa face, hands or body, try not fo throw off yoa lissenas by doing da same ting ova an ova like one habit, make shua it match up wit wat you talking about. Put moa feeling in yoa talk wen you teaching one main point or trying fo move yoa lissenas fo do someting, but no make yoa lissenas tired by putting too much feeling in yoa whole talk.