Work Hahd Fo Reach Da Heart

Smart Guys 3:1

MAIN TING: Help yoa lissenas undastan dat wat dey learn stay importan an how fo use um in dea life.

HOW FO DO UM:

• Help yoa lissenas fo check demself. Ask questions dat goin help yoa lissenas tink about how dey feel an wat dey believe.

• Show yoa lissenas dat you trus dey like do da right ting. Help yoa lissenas tink about why dey do good tings. Help dem fo like do tings fo da right reasons—cuz dey love Jehovah, peopo, an wat da Bible teach. Talk nice kine an help yoa lissenas see how come iz good fo do wat da Bible tell, no scold dem. No make dem feel shame, you like build dem up so dat wen you pau talking dey like do dea bes.

• Show dem come from Jehovah. Show how Bible teachings, truts, an rules tell wat kine God Jehovah stay an how much he love us. Help yoa lissenas tink about how Jehovah feel an how fo make him happy.