STUDY 13

Make Um Clear Wat Mean Fo Dem

Smart Guys 3:21

MAIN TING: Help yoa lissenas undastan how da tings you tell can help dem in dea life, an show dem wat fo do wit wat dey stay learning.

Tink about da guys you talking to. Tink good about how come dey gotta hea wat you telling, an try figga wat tings goin be bes fo dem.
Wen you stay talking to dem show yoa lissenas wat fo do. Right from da start da lissenas should kno “dis fo me.” Wen you talk about da main points, try show wat mean fo dem. Fo exampo: If you talking about peopo coming back alive from mahke can ask: Wat we gotta do if we like see da guys we love again?

Talk about Bible truts wit choke love an aloha. Radda den making oddas feel guilty, make dea love an fait come strong, an trus dat dea heart goin move dem fo do da right ting.