Make Um Clear Why You Using Da Scripcha

John 10:33-36

MAIN TING: No jus read one scripcha den move on to anodda point. Make shua dat yoa lissenas see how da scripcha you read, an da point you making, conneck.

HOW FO DO UM:

• Bring out da importan words. Afta you read one scripcha, focus on da words dat conneck to yoa main point. Can do dis by saying dose words again or asking one question dat goin help yoa lissena find da importan words.

• Stress da point. If you tell da reason you goin read one scripcha, make shua you bring out da importan words an show how da scripcha conneck to dat reason.

• Keep um simpo. No talk about extra stuff dat no help make da point. Tink about wat yoa lissenas awready kno, den figga how many odda tings you gotta add fo make da point clear an easy fo undastan.