STUDY 4

Bring Up Scripchas In One Good Way

Matthew 22:41-45

MAIN TING: Befoa you read one scripcha, make shua yoa lissenas stay ready an kno why you goin read um.

Tell dem why you goin read da scripcha. Befoa you read da scripcha say someting dat goin help yoa lissena find da point you trying fo make.

Look da verses befoa an afta da one you reading. Befoa you read one scripcha, if you goin tell who stay talking or who wen write da Bible book, make shua wat you tell stay correck. Fo exampo, you no like tell wuz Jesus who wen say someting wen Peter wuz da one.
Help dem see da Bible come from God. Wen you talking to peopo who believe in God, help dem see da Bible iz God’s Word an dass wat make um da bes place fo go fo come akamai.
Help dem like kno moa bout da scripcha. Ask one question da scripcha goin ansa, tell one problem dat da scripcha can help fix, or tell one Bible trut an read scripchas dat goin help dem undastan um.

Tink about wat yoa lissenas awready kno. Even if iz one scripcha dey wen hea plenny, try bring um up in one new kine way dat goin make dem like lissen.