You Rememba?

Dis year, you wen read all Da Place Fo Watch From magazines real good? Try see if you can ansa dese questions:

Why we like tell how awesome Jehovah?

We do dat cuz we get plenny respeck fo him, we love him, an we like oddas kno him.​—w25.01, p. 3.

If somebody offend us, wat can help us fogive?

We no like jus brush off how we feel, but we like let go of oua hurt feelings an stop bein mad. Cuz if we no do dat, den oua hurt feelings goin take ova us an can make us treat oddas bad.​—w25.02, pp. 15-16.

Why iz Mark one good exampo fo young braddahs?

Even tho Mark wuz probly hurt, dat neva stop him from helping da braddahs. He wen work on his frenship wit Paul an odda solid Christians.​—w25.04, p. 27.

Wat Jesus wen mean wen he had say, “I wen tell dem about yoa name”? (John 17:26, NWT)

His followas awready wen kno God’s name. But Jesus wen teach dem about Jehovah qualities, da tings dat He wen do, an wat He goin do in da future.​—w25.05, pp. 20-21.

If we humbo, wat we goin undastan?

We goin undastan dat we donno eryting. Like, we donno how da end goin come or how Jehovah goin help us. An we donno how good he kno us.​—w25.06, pp. 15-18.

How one article or da talk fo erybody can help us?

We can ouaself, “Wat kine proof get fo help da audience believe dis Bible trut? Get one good word picha I can use fo teach dis trut to somebody? I kno anybody I can share dis Bible trut wit?”​—w25.07, p. 19.

Wat we can learn about how Jehovah fogive from da way he wen treat David?

Even tho David wen mess up real plenny in his life, cuz he wuz real sorry, Jehovah wen fogive him. (1 Ki 9:4, 5) Wen God fogive, he no bring um up or hold um agains us eva again.​—w25.08, p. 17.

If one Bible study get hahd time undastan someting, wat you can do?

If get someting dat iz hahd fo him undastan, jus move on an you can plan fo go back to um layta.​—w25.09, p. 24.

From wat da Bible say, how sin can jam up how we tink? (Heb 3:13)

Cuz we not perfeck an get da presha fo sin, dat make us like do wrong tings. An on top of dat, it can make us tink dat Jehovah no love us.​—w25.10, p. 16.

Wen we pray, wat three tings can help us come moa close to Jehovah?

(1) Tink about Jehovah’s qualities. (2) Tink an pray about da problems we stay dealing wit right now, like maybe get somebody we gotta fogive. (3) No rush wen we pray. Cuz if we no rush, we probly goin tell Jehovah moa about wat we stay feeling.​—w25.10, pp. 19-20.

How we can help da kupunas?

We can call dem up or visit dem. We can go wit dem to dea doctas appointments. Work wit dem in service.​—w25.11, pp. 6-7.

How you can show Jehovah respeck at yoa wedding?

Follow da govament laws. Make shua da wedding ceremony an reception show respeck. No jus dress anykine an stay away from customs dat no match up wit da Bible. Wen you plan da wedding, make shua fo talk about eryting real good.​—w25.12, pp. 21-24.