How Fo Rememba Scripchas

You eva get hahd time remembaring one of yoa favorite scripchas, or wea it stay in da Bible? You kno da ones dat wen help you feel betta, wen help you no do someting wrong, or maybe you wanted fo share um wit somebody? (Songs 119:11, 111) Dis iz some tings dat can help you rememba scripchas.

• Use da JW Library^® app. Wen you read da Bible on da JW Library, make one tag an name um “Favorite Scripchas.” Save wateva scripchas you like rememba ova hea.

• Put da scripcha wea you can see um. Write um down on one piece paypa, an put um wea you can see um erytime. Like by da mirror, or on da ice box. Or can take one picha of da scripcha an use um fo yoa screen saver on yoa computa or phone.

• Use flash cards. Write da Bible book, chapta, an verse on one side of da card, an den write da words of da scripcha on da odda side. Look at one side of da card an try rememba wat stay on da odda side. Den try flip um ova an do da same ting.