Սաղմոսներ

52 Ինչո՞ւ ես պարծենում չարությամբ, ո՜վ դու հզոր+։

Աստծու սիրառատ բարությունն ամեն օր հարատև է+։

 2 Լեզուդ դժբախտություններ է ծրագրում, սուր է ինչպես ածելին+,

Խաբեությամբ է գործում+։

 3 Դու չարն ավելի ես սիրում, քան բարին+,

Ստությունը՝ ավելի, քան արդար խոսքերը+։ (Սելա)

 4 Սիրում ես ամեն կործանարար խոսք+,

Ո՜վ դու խաբեբա լեզու+։

 5 Աստված վայր կգցի քեզ հավիտյան+,

Գետին կտապալի ու դուրս կքաշի քեզ քո վրանից+

Եվ արմատախիլ կանի ողջերի երկրից+։ (Սելա)

 6 Արդարները կտեսնեն դա ու կվախենան+,

Կծիծաղեն նրա վրա+։

 7 Այդպիսին է այն մարդը, որն Աստծուն չի դարձնում իր ամրոցը+,

Այլ իր անբավ հարստությանն է վստահում+,

Ուրիշներին դժբախտություններ է պատճառում և դրանցում է ապաստան փնտրում+։

 8 Իսկ ես սաղարթախիտ ձիթենու+ նման կլինեմ Աստծու տան մեջ.

Աստծու սիրառատ բարությանը պիտի վստահեմ ընդմիշտ և հավիտյան+։

 9 Պիտի առհավետ գովեմ քեզ քո արած գործերի համար+

Եվ հույսս քո անվան վրա պիտի դնեմ նրանց ներկայությամբ, ովքեր նվիրված են քեզ, որովհետև դա է բարին+։