Սաղմոսներ

97 Եհովան թագավոր դարձավ+։ Թող երկիրը ցնծա+։

Թող բազում կղզիներն ուրախանան+։

 2 Ամպերն ու թանձր խավարը չորս կողմից շրջապատել են նրան+։

Արդարությունն ու արդարադատությունը հիմքն են նրա գահի+։

 3 Նրա առաջից կրակ է գնում+

Եվ լափում է շուրջբոլորը գտնվող հակառակորդներին+։

 4 Նրա կայծակները լուսավորում են երկիրը+.

Երկիրը տեսավ և սաստիկ ցավերով բռնվեց+։

 5 Լեռները մոմի նման հալվեցին Եհովայի առաջ+՝

Ողջ երկրի Տիրոջ առաջ+։

 6 Երկինքը պատմում է նրա արդարության մասին+,

Եվ բոլոր ժողովուրդները տեսնում են նրա փառքը+։

 7 Թող ամաչեն բոլոր նրանք, ովքեր քանդակված կուռքերի են ծառայում+,

Ովքեր փուչ աստվածներով+ են պարծենում։

Խոնարհվե՛ք նրա առաջ, բոլո՛ր աստվածներ+։

 8 Սիոնը լսեց և ուրախացավ+,

Հուդայի դուստրերը* ցնծացին+

Քո դատավճիռների համար, ո՛վ Եհովա+,

 9 Որովհետև դու, ո՛վ Եհովա, Բարձրյալ ես ողջ երկրի վրա+,

Անչափ վեր ես բարձրացած մյուս բոլոր աստվածներից+։

10 Ո՛վ դուք, Եհովայի՛ն սիրողներ+, ատեցե՛ք չարությունը+։

Նա պահպանում է իրեն նվիրվածների հոգիները+,

Ամբարիշտների ձեռքից ազատում է նրանց+։

11 Լույս է շողում արդարների համար+,

Եվ ուրախություն՝ սրտով ուղիղների համար+։

12 Ուրախացե՛ք Եհովայով, ո՛վ դուք արդարներ+,

Եվ ձեր երախտագիտությունը հայտնեք նրա սուրբ անվանը*+։