Սաղմոսներ

4 Երբ կանչեմ, պատասխանի՛ր ինձ, ո՛վ իմ արդար Աստված+։

Նեղությունից ազատվելու ճանապարհ պատրաստիր ինձ համար,

Բարեհա՛ճ եղիր+ իմ հանդեպ և իմ աղոթքը լսիր։

 2 Մարդկա՛նց որդիներ, մինչև ե՞րբ պիտի ինձ անպատիվ+ անեք,

Մինչև ե՞րբ պիտի ունայն բաներ սիրեք,

Մինչև ե՞րբ պիտի ստություն փնտրեք։ (Սելա)

 3 Իմացեք, որ Եհովան իրեն նվիրվածին տարբերում է ուրիշներից+,

Եհովան լսում է, երբ ես կանչում եմ նրան+։

 4 Թե բարկանաք էլ, մեղք մի՛ գործեք+։

Խոսե՛ք ձեր սրտերի հետ ձեր անկողիններում+ և լո՛ւռ մնացեք։ (Սելա)

 5 Արդարության զոհե՛ր մատուցեք+

Եվ Եհովայի՛ն ապավինեք+։

 6 Շատերն ասում են. «Մեզ ո՞վ ցույց կտա բարին»։

Բարձրացրո՛ւ մեզ վրա քո երեսի լույսը+, ո՛վ Եհովա։

 7 Դու իմ սրտին ուրախություն կտաս+,

Ավելի մեծ, քան որ նրանք ունեին ցորենի և նոր գինու առատության ժամանակ+։

 8 Ես խաղաղությամբ կպառկեմ ու խաղաղությամբ կքնեմ+,

Քանի որ միայն դու ես, ո՛վ Եհովա, ինձ ապահովությամբ բնակեցնում+։