Սաղմոսներ

Եվ մի՛ մերժիր բարեհաճությունդ ունենալու իմ խնդրանքը+։

 2 Ուշադրությո՛ւն դարձրու ինձ ու պատասխանի՛ր+։

Ես հանգիստ չունեմ իմ մտահոգություններից+

Եվ չեմ կարող չանհանգստանալ

 3 Թշնամու ձայնից, ամբարշտի հալածանքներից+,

Որովհետև նրանք չարություն են թափում ինձ վրա+

Եվ զայրացած՝ թշնամություն են տածում իմ հանդեպ+։

 4 Սիրտս սաստիկ ցավում է իմ ներսում+,

Եվ մահվան սարսափներն են ինձ վրա ընկել+։

 5 Ահուդողը բռնել է ինձ+,

Եվ սարսուռն է ինձ համակել։

 6 Ես ասում եմ. «Ա՜խ, երանի՜ թևեր ունենայի աղավնու պես+,

Թռչեի հեռու ու մնայի այնտեղ+,

 7 Փախչեի հեռո՜ւ+

Եվ անապատում բնակվեի+։ (Սելա)

 8 Շտապեի ինձ համար ապաստան գտնել

Սաստիկ քամուց ու փոթորկից»+։

 9 Խառնի՛ր, ո՜վ Եհովա, բաժանի՛ր նրանց լեզուները+,

Որովհետև բռնություն ու վիճաբանություն եմ տեսնում քաղաքի մեջ+։

10 Օր ու գիշեր շրջում են նրա պարիսպների վրա+,

Չարիք և անախորժություն կա նրանում+։

11 Դժբախտություններ կան այնտեղ,

Եվ նրա հրապարակից կեղեքումն ու խաբեությունը չեն հեռանում+։

12 Թշնամի չէր ինձ նախատողը+,

Այլապես ես կհանդուրժեի։

Ինձ ատողը չէր, որ իմ դեմ մեծամտացավ+,

Այլապես ես կթաքնվեի նրանից+։

13 Բայց այդ դու էիր, ինձ հավասար մի մարդ+,

Իմ մտերիմն ու իմ ընկերը+։

14 Մենք ջերմ ընկերակցություն էինք վայելում իրար հետ+

Եվ բազմության հետ միասին Աստծու տունն էինք գնում+։

15 Թող որ ամայություն գա նրանց վրա+,

Թող որ նրանք ողջ-​ողջ գերեզման* իջնեն+.

Որովհետև որտեղ էլ որ նրանք ապրեն, չար բաները նրանց մեջ են+։

16 Բայց ես Աստծուն կկանչեմ+,

Եվ Եհովան կփրկի ինձ+։

17 Թե՛ երեկոյան, թե՛ առավոտյան և թե՛ կեսօրին ես հանգիստ չունեմ ու հառաչում եմ+,

Եվ նա լսում է իմ ձայնը+։

18 Նա փրկագնով կազատի իմ հոգին կռվից և խաղաղություն կտա նրան+,

Քանի որ նրանք ամբոխներով իմ դեմ են դուրս գալիս+։

19 Աստված կլսի ինձ ու պատասխան կտա նրանց+,

Նա, որ վաղուց ի վեր նստած է գահին+, (սելա)

Պատասխան կտա նրանց, ովքեր չեն փոխվում+,

Եվ ովքեր Աստծուց չեն վախենում+։

20 Նա* իր ձեռքերը երկարացնում է նրանց դեմ, ովքեր խաղաղության մեջ են իր հետ+,

Եվ պղծում է իր ուխտը+։

21 Նրա բերանի խոսքերը կարագից ավելի կակուղ են+,

Բայց նրա սիրտը կռվելու պատրաստ է+։

Նրա խոսքերը յուղից ավելի փափուկ են+,

Բայց դրանք մերկ սրեր են+։

22 Քո բեռը Եհովայի վրա գցիր+,

Եվ նա նեցուկ կլինի քեզ+։

Երբեք թույլ չի տա, որ արդարը սասանվի+։

23 Բայց դու, ո՜վ Աստված, նրանց ամենացածր փոսի մեջ կիջեցնես+։

Արյուն թափող ու խաբեբա մարդիկ չեն ապրի իրենց կյանքի օրերի կեսն անգամ+։

Բայց ես քե՛զ եմ վստահելու+։