Սաղմոսներ

61 Լսի՛ր, ո՛վ Աստված, իմ աղերսանքը+։

Ուշադրությո՛ւն դարձրու իմ աղոթքին+։

 2 Երկրի ծայրից ես քեզ կաղաղակեմ, երբ սիրտս թուլանա+։

Հանի՛ր ինձ բարձր ժայռի վրա+։

 3 Որովհետև դու ապաստան ես դարձել ինձ համար+,

Ամուր աշտարակ՝ թշնամու երեսի առաջ+։

 4 Քո խորանում ես հյուր կլինեմ հավիտյան+,

Ապաստան կգտնեմ՝ թաքնվելով քո թևերի տակ+։ (Սելա)

 5 Որովհետև դու, ո՛վ Աստված, լսեցիր իմ խոստումները+։

Դու տվեցիր ինձ քո անունից վախեցողների ժառանգությունը+։

 6 Օրեր կավելացնես թագավորի օրերի վրա+,

Նրա տարիները կլինեն շատ սերունդների տարիների պես+։

 7 Նա հավիտյան կապրի Աստծու առաջ+.

Սիրառատ բարություն և ճշմարտություն ուղարկիր, որ պահպանեն նրան+։

 8 Այսպես սաղմոս կերգեմ քո անվանը հավիտյան+,

Որպեսզի խոստումներս ամեն օր կատարեմ+։