1 Տարեգրություն

10 Փղշտացիները+ պատերազմեցին Իսրայելի դեմ։ Իսրայելացիները փղշտացիների առաջից փախուստի դիմեցին ու սպանված ընկան Գելբուե լեռան վրա+։ 2 Կրնկակոխ հետապնդելով Սավուղին ու նրա որդիներին՝ փղշտացիները սպանեցին Հովնաթանին+, Աբինադաբին+ ու Մելքիսավեին+՝ Սավուղի որդիներին+։ 3 Սավուղի դեմ կռիվը սաստկացավ. աղեղնավորները գտան նրան և վիրավորեցին+։ 4 Սավուղն ասաց իր զինակրին+. «Հանի՛ր սուրդ+ և ինձ խոցի՛ր, որպեսզի այս անթլփատները+ չգան ու ինձ ծաղրուծանակի չենթարկեն»+։ Բայց նրա զինակիրը չկամեցավ դա անել+, որովհետև շատ վախեցավ։ Այդ ժամանակ Սավուղը վերցրեց սուրը և ընկավ դրա վրա+։ 5 Երբ զինակիրը տեսավ, որ Սավուղը մեռավ, ինքն էլ սրի վրա ընկավ ու մեռավ+։ 6 Այսպիսով՝ Սավուղը և նրա երեք որդիները մահացան+, նաև իր տնից եղող բոլոր նրանք, որ իր հետ էին։ 7 Երբ հովտում եղող բոլոր իսրայելացիները տեսան, որ զորքը փախավ, և որ Սավուղն ու նրա որդիները մեռան, թողեցին իրենց քաղաքներն ու փախուստի դիմեցին+։ Դրանից հետո փղշտացիները եկան ու բնակվեցին նրանց քաղաքներում։

8 Հաջորդ օրը, երբ փղշտացիները եկան սպանվածների վրայից հանդերձները հանելու+, Սավուղին ու նրա որդիներին գտան Գելբուե+ լեռան վրա ընկած։ 9 Նրանք մերկացրին նրան, կտրեցին գլուխը+, զենքերը հանեցին և լուր ուղարկեցին փղշտացիների երկրի բոլոր կողմերը՝ այդ մասին հայտնելու+ իրենց կուռքերին+ ու ժողովրդին։ 10 Նրա զենքերը դրեցին իրենց աստծու տանը+, իսկ գլուխը կախեցին Դագոնի տանը+։

11 Երբ Գաղաադի Հաբիսի+ բոլոր բնակիչները լսեցին այն ամենի մասին, ինչը որ փղշտացիներն արել էին Սավուղին+, 12 բոլոր խիզախ տղամարդիկ վեր կացան, Սավուղի ու նրա որդիների մարմինները վերցրին, բերեցին Հաբիս և նրանց ոսկորները թաղեցին Հաբիսում+՝ մեծ ծառի+ տակ, և յոթ օր ծոմ պահեցին+։

13 Այսպիսով՝ Սավուղը մեռավ այն պատճառով, որ Եհովայի հանդեպ մեծ անհավատարմություն+ դրսևորեց, չպահեց Եհովայի խոսքը, նաև դիմեց ոգեհարցի+, որ նրան հարցնի, 14 և Եհովային չհարցրեց+։ Ուստի նա մեռցրեց նրան և թագավորությունը Հեսսեի որդի Դավթին տվեց+։