Սաղմոսներ

57 Բարեհա՛ճ եղիր իմ հանդեպ, ո՜վ Աստված, բարեհա՛ճ եղիր+,

Որովհետև իմ հոգին քեզ մոտ է ապաստան գտել+.

Քո թևերի հովանու տակ եմ ապաստան գտնում, մինչև որ ձախորդություններն անցնեն+։

 3 Նա օգնություն կուղարկի երկնքից ու կփրկի ինձ+։

Նա շփոթության մեջ կգցի նրան, ով ուզում է ինձ ատամներով բռնել+։ (Սելա)

Աստված կուղարկի իր սիրառատ բարությունն ու ճշմարտությունը+։

 4 Իմ հոգին առյուծների մեջ է+,

Ես ստիպված եմ պառկել խժռողների մեջ՝ մարդկանց որդիների մեջ,

Որոնց ատամները նիզակներ ու նետեր են+,

Եվ որոնց լեզուն սրածայր սուր է+։

 5 Երկնքից վե՛ր բարձրացիր, ո՜վ Աստված+,

Թող քո փառքը ամբողջ երկրի վրա լինի+։

 6 Նրանք ցանց պատրաստեցին իմ ոտքերի համար+,

Հոգիս վհատված է+։

Իմ առջև ծուղակ փորեցին,

Բայց իրե՛նք ընկան դրա մեջ+։ (Սելա)

 7 Սիրտս ամուր է, ո՜վ Աստված+,

Սիրտս ամուր է։

Պիտի երգեմ ու սաղմոս ասեմ+։

 8 Արթնացի՛ր, փա՜ռք իմ+,

 9 Պիտի գովերգեմ քեզ ժողովուրդների մեջ, ո՜վ Եհովա+,

Պիտի սաղմոս երգեմ քեզ ազգությունների մեջ+,

10 Որովհետև քո սիրառատ բարությունը մեծ է, մինչև երկինք է հասնում+,

Եվ քո ճշմարտությունը՝ մինչև ամպերը+։

11 Երկնքից վե՛ր բարձրացիր, ո՜վ Աստված+,

Թող քո փառքը ամբողջ երկրի վրա լինի։