Սաղմոսներ

Վերելքի երգ:

129 «Մանկությունիցս ի վեր թշնամիներս շարունակ ինձ վրա են հարձակվել»:+

Հիմա թող Իսրայելն ասի.

2 «Մանկությունիցս ի վեր թշնամիներս շարունակ ինձ վրա են հարձակվել,+

Բայց պարտության չեն մատնել:+

3 Հերկողների պես մեջքս հերկել են+

Եվ երկար ակոսներ արել»:

4 Բայց Եհովան արդար է.+

Անօրենների կապած պարանները կտրել է:+

5 Բոլոր նրանք, ովքեր Սիոնի հանդեպ ատելություն ունեն,

Ամոթով կմնան ու խայտառակված կնահանջեն:+

6 Նրանք նման կլինեն տանիքին բուսնած խոտի,

Որը չորանում է, նախքան մեկը այն կպոկի,

7 Որը բավական չէ, որ հնձողը լցնի իր բուռը,

Եվ խուրձ կապողը՝ իր գիրկը:

8 Նրանց մոտով անցնող մարդիկ չեն ասի.

«Եհովայի օրհնությունը թող ձեզ վրա լինի:

Օրհնում ենք ձեզ Եհովայի անունով»: