1 Տարեգրություն

14 Տյուրոսի թագավոր Քիրամը+ պատգամաբերներ ուղարկեց Դավթի մոտ և նրանց հետ՝ մայրու գերաններ: Նա նաև ուղարկեց պատշարներ և ատաղձագործներ, որպեսզի նրա համար պալատ կառուցեն:+ 2 Դավիթը հասկացավ, որ իր թագավորական իշխանությունը Եհովան ամուր հաստատել է Իսրայելի վրա,+ քանի որ տեսավ, որ, հանուն Իր ժողովրդի՝ Իսրայելի, Նա փառահեղ է այն դարձրել:+

3 Դավիթը Երուսաղեմում ուրիշ կանանց հետ էլ ամուսնացավ+ և էլի որդիներ ու դուստրեր ունեցավ:+ 4 Երուսաղեմում ծնված նրա երեխաների անուններն են՝+ Սամուա, Սոբաբ, Նաթան,+ Սողոմոն,+ 5 Եբաար, Ելիսուա, Ելիփալետ, 6 Նոքա, Նաֆեկ, Հաբիե, 7 Ելիսամա, Բալիադա և Ելիֆալետ:

8 Երբ փղշտացիներն իմացան, որ Դավիթը օծվել է Իսրայելի թագավոր,+ գնացին նրա դեմ կռվելու:+ Լսելով այդ մասին՝ Դավիթը դուրս եկավ նրանց դեմ: 9 Փղշտացիները եկան ռաֆայիմների հովիտ ու սկսեցին հարձակումներ գործել այնտեղի բնակիչների վրա:+ 10 Դավիթը հարցրեց Աստծուն. «Գնա՞մ փղշտացիների դեմ կռվելու: Կմատնե՞ս նրանց իմ ձեռքը»: Եհովան պատասխանեց. «Գնա, ես անպայման քո ձեռքը կմատնեմ նրանց»:+ 11 Ուստի Դավիթը գնաց Բաալ-Փարասին+ և այնտեղ կոտորեց փղշտացիներին: Դավիթն ասաց. «Ճշմարիտ Աստված իմ ձեռքով ճեղքեց թշնամիներիս շարքերը, ինչպես որ ջրերն են ճեղքում պատնեշը»: Դրա համար էլ այդ տեղը Բաալ-Փարասին* կոչվեց: 12 Փղշտացիները այնտեղ թողեցին իրենց աստվածներին, և Դավիթն իր մարդկանց հրամայեց այրել դրանք:+

13 Դրանից հետո փղշտացիները նորից հարձակվեցին այդ հովտի բնակիչների վրա:+ 14 Դավիթը կրկին առաջնորդություն խնդրեց Աստծուց, սակայն ճշմարիտ Աստված ասաց. «Ուղիղ նրանց դեմ մի՛ գնա, այլ շրջանցիր թիկունքից, դուրս եկ թփերի* դիմաց ու հարձակվիր նրանց վրա:+ 15 Երբ թփերի վերնամասից ձայն լսես, ասես զորք է քայլում, այդ ժամանակ հարձակվիր, որովհետև ճշմարիտ Աստված արդեն քո առաջ կլինի, որ կոտորի փղշտացիների բանակը»:+ 16 Դավիթն արեց ճիշտ այնպես, ինչպես ճշմարիտ Աստված պատվիրեց իրեն.+ իսրայելացիները կոտորեցին փղշտացիների զորքը Գաբաոնից մինչև Գազեր:+ 17 Դավթի հռչակը տարածվեց բոլոր երկրներում, ու Եհովան նրա հանդեպ վախ ներշնչեց ազգերին:+