Նամակ Տիտոսին

1 Ես՝ Պողոսս, Աստծու ծառաս+ և Հիսուս Քրիստոսի առաքյալս+, որ Աստծու ընտրյալների+ նույն հավատն ունեմ և ճշգրիտ գիտելիքներ+ ճշմարտության+ մասին, որը ներդաշնակ է Աստծու հանդեպ նվիրվածությանը+՝ 2 հիմնված հավիտենական կյանքի+ հույսի վրա, ինչը և Աստված, որը չի կարող ստել+, խոստացավ վաղեմի ժամանակներից առաջ+ 3 և իր ժամանակին հայտնեց իր խոսքը քարոզչության միջոցով, որն էլ վստահվեց+ ինձ մեր Փրկչի՝ Աստծու հրամանով+, 4 գրում եմ Տիտոսին՝ մեր ընդհանուր հավատի մեջ իմ հարազատ զավակին+։

Թող անզուգական բարություն* դրսևորվի քո հանդեպ և խաղաղություն լինի քեզ Աստծուց՝ Հորից+, և մեր Փրկիչ+ Քրիստոս Հիսուսից։

5 Քեզ թողեցի Կրետեում+ այն բանի համար, որ թերությունները շտկես և ամեն քաղաքում երեցներ նշանակես+, ինչպես որ պատվիրեցի+, 6 եթե մարդը զերծ է մեղադրանքից+, մեկ կնոջ ամուսին է+, և նրա երեխաները հավատացյալ են, որոնք չեն մեղադրվում սանձարձակ ու անկառավարելի լինելու մեջ+։ 7 Որպես Աստծու տնտես+՝ վերակացուն պետք է զերծ լինի մեղադրանքից+, չլինի ինքնահաճ+, բարկացկոտ+, հարբեցող+, հարվածող*+, շահամոլ+, 8 այլ լինի հյուրասեր+, առաքինություն* սիրող, ողջամիտ+, արդար, նվիրված+, ինքն իրեն տիրապետող+, 9 սովորեցնելու արվեստում ամուր բռնած լինի հավատարիմ խոսքը+, որպեսզի կարողանա թե՛ հորդորել առողջ ուսմունքով+ և թե՛ հանդիմանել+ դրան հակառակվողներին։

10 Բազում անկառավարելի մարդիկ կան, դատարկախոսներ+ ու մարդկանց միտքը մոլորեցնողներ: Նրանք հատկապես այն մարդիկ են, ովքեր թլփատությանն են կողմնակից+։ 11 Հարկավոր է փակել այդպիսիների բերանը, որովհետև նրանք ընտանիքներ են քանդում+՝ իրենց անազնիվ շահի+ համար սովորեցնելով բաներ, որ չպետք է սովորեցնեն։ 12 Նրանցից մեկը՝ իրենց իսկ մարգարեն, ասել է. «Կրետացիները միշտ սուտ են խոսում, վտանգավոր+ գազաններ են ու պորտաբույծ որկրամոլներ»։

13 Այս վկայությունը ճշմարիտ է։ Հենց այդ պատճառով էլ շարունակիր խստությամբ հանդիմանել նրանց+, որպեսզի առողջ լինեն հավատի մեջ+ 14 և ուշադրություն չդարձնեն հրեական առասպելներին+ ու այն մարդկանց պատվիրաններին+, ովքեր իրենք իրենց հեռացնում են ճշմարտությունից+։ 15 Ամեն ինչ մաքուր է մաքուրների համար+, մինչդեռ պիղծերի+ ու անհավատների+ համար ոչ մի բան մաքուր չէ. նրանց միտքն էլ, խիղճն+ էլ պղծված են։ 16 Նրանք հրապարակորեն հայտարարում են, թե ճանաչում են Աստծուն+, սակայն իրենց գործերով ուրանում են նրան+, որովհետև նողկալի են ու անհնազանդ և պիտանի չեն+ որևէ բարի գործի համար։

2 Բայց դու շարունակիր խոսել այն բաների մասին, որոնք համապատասխան են առողջ+ ուսմունքին։ 2 Թող որ տարեց տղամարդիկ+ չափավոր լինեն իրենց սովորությունների մեջ, լինեն լուրջ+, ողջամիտ, նաև առողջ՝ հավատի+, սիրո և տոկունության մեջ+։ 3 Նմանապես և տարեց կանայք+, թող ակնածանքով լի վարմունք ունենան, չլինեն զրպարտող+, չափից շատ գինի խմելուն գերի, այլ լինեն բարին սովորեցնող, 4 որ շտկեն երիտասարդ կանանց մտածելակերպը, որպեսզի նրանք սիրեն իրենց ամուսիններին+ և իրենց երեխաներին+, 5 լինեն ողջամիտ, մաքուր+, տնարար, առաքինի* և ենթարկվեն+ իրենց ամուսիններին, որ ուրիշները Աստծու խոսքի մասին անարգանքով չխոսեն+։

6 Նույնպես էլ շարունակիր հորդորել երիտասարդ տղամարդկանց, որ լինեն ողջամիտ+։ 7 Ամեն ինչում բարի գործերի օրինակ եղիր+. մաքուր+ բաներ սովորեցրու+, լուրջ եղիր, 8 կերտիչ բաների մասին խոսիր, որ խոսքերդ դատապարտելի չլինեն+, որպեսզի հակառակվողները ամոթով մնան՝ չկարողանալով որևէ վատ բան ասել մեր մասին+։ 9 Ծառաները+ թող ամեն ինչում ենթարկվեն իրենց տերերին+ և հաճեցնեն նրանց, չհակաճառեն+, 10 գողություն չանեն+, այլ լիակատար հավատարմություն դրսևորեն+, որպեսզի ամեն ինչում զարդարեն մեր Փրկչի+՝ Աստծու ուսմունքը։

11 Աստծու անզուգական բարությունը+, որ փրկություն է բերում+ ամեն տեսակ մարդկանց+, հայտնի դարձավ+՝ 12 սովորեցնելով մեզ մերժել ամբարշտությունն+ ու աշխարհային ցանկությունները+ և այս աշխարհում*+ ապրել ողջամտությամբ, արդարությամբ ու Աստծու հանդեպ նվիրվածությամբ+, 13 մինչ սպասում ենք սքանչելի հույսի իրականացմանն+ ու մեր մեծ Աստծու և մեր Փրկչի՝ Քրիստոս Հիսուսի փառահեղ+ հայտնությանը. 14 նա իր անձը տվեց+ մեզ համար, որպեսզի ազատի+ մեզ ամեն տեսակ անօրենությունից և մաքրի+ մեզ՝ դարձնելով իր համար սեփական ժողովուրդ+՝ բարի գործերի նախանձախնդիր+։

15 Շարունակիր խոսել այս բաների մասին, հորդորիր և հանդիմանիր հրահանգներ տալու ողջ հեղինակությամբ+։ Թող ոչ ոք չարհամարհի+ քեզ։

3 Շարունակիր հիշեցնել նրանց, որ հպատակվեն+ և հնազանդվեն կառավարություններին ու իշխանություններին+, պատրաստ լինեն ամեն բարի գործի+, 2 ոչ ոքի մասին չարը չխոսեն, չլինեն կռվարար+, այլ լինեն խոհեմ*+, ամենայն մեղմությամբ վերաբերվեն բոլոր մարդկանց+։ 3 Մենք էլ մի ժամանակ անմիտ էինք, անհնազանդ, մոլորված, տարբեր ցանկությունների ու հաճույքների ստրուկ էինք, չարությամբ ու նախանձով էինք վարվում, նողկալի էինք և ատում էինք իրար+։

4 Սակայն երբ մեր Փրկչի+՝ Աստծու բարությունն+ ու մարդասիրությունը հայտնի դարձավ+, 5 ոչ թե մեր կատարած արդար գործերի+, այլ իր ողորմության շնորհիվ+ նա փրկեց մեզ լվանալով+, ինչը մեզ կյանքի+ բերեց, նաև սուրբ ոգով մեզ նորոգելով+։ 6 Այս ոգին նա առատորեն թափեց մեզ վրա Հիսուս Քրիստոսի՝ մեր Փրկչի միջոցով+, 7 որպեսզի նրա անզուգական բարությամբ+ արդար հայտարարվելուց+ հետո ժառանգներ+ դառնանք՝ հավիտենական կյանքի+ հույսի համաձայն։

8 Արժանահավատ են այս խոսքերը+, և ուզում եմ, որ այս բաների մասին դու միշտ հաստատակամորեն խոսես, որպեսզի նրանք, ովքեր հավատացին Աստծուն, իրենց ուշադրությունը կենտրոնացնեն բարի գործեր անելու վրա+։ Այս ամենը բարի է և օգտակար մարդկանց համար։

9 Բայց հիմար վիճաբանություններից+ ու տոհմաբանությունները+ փորփրելուց, գժտություններից+ և Օրենքի շուրջ վեճերից+ հետ քաշվիր, որովհետև դրանք անօգուտ են և ունայն։ 10 Իսկ աղանդավորություն+ տարածող մարդուն մեկ կամ երկու անգամ զգուշացնելուց+ հետո հեռացրու+՝ 11 գիտենալով, որ այդպիսին շեղվել է ճանապարհից և մեղք է գործում՝ ինքն իր վրա դատապարտություն բերելով+։

12 Երբ Արտեմասին կամ Տյուքիկոսին+ քեզ մոտ ուղարկեմ, ամեն ինչ արա, որ ինձ մոտ գաս՝ Նիկոպոլիս, որովհետև որոշել եմ ձմեռն այնտեղ անցկացնել+։ 13 Զենասին, որը լավատեղյակ է Օրենքից, և Ապողոսին ապահովիր ճանապարհի համար անհրաժեշտ բաներով, որ ոչ մի բանի կարիք չունենան+։ 14 Մերոնք էլ թող սովորեն միշտ բարի գործեր անել, որ բավարարեն իրենց ամենաանհրաժեշտ կարիքները+, որպեսզի ծառայության մեջ անպտուղ չլինեն+։

15 Ողջունում են քեզ բոլոր ինձ մոտ եղողները+։ Իմ ողջույնները փոխանցիր մեր հավատակիցներին, ովքեր սիրում են մեզ։

Թող Աստծու անզուգական բարությունը ձեր ամենքի հետ լինի+։

[Ծանոթագրություններ]