Արմագեդոն. աշխարհի վե՞րջ

ԱՐՄԱԳԵԴՈՆ։ Ի՞նչ է հուշում ձեզ այս բառը. մասսայական ոչնչացո՞ւմ, տիեզերական հրդե՞հ։ Թերևս աստվածաշնչյան ոչ մի արտահայտություն այնքան լայն տարածում չի գտել մեր առօրյա խոսքում, որքան «Արմագեդոն» բառը։ Այս տերմինը լայնորեն կիրառվում է նկարագրելու համար մարդկությանը սպասվող աղետալի մի կործանում։ Զվարճությունների արդյունաբերությունը՝ հեռուստատեսային հաղորդումներն ու ֆիլմերը, զանազան սարսափազդու տեսարանների միջոցով սխալ պատկերացումներ են ստեղծում «Արմագեդոնի» մասին։ Այս բառի իմաստը անհասկանալի է դարձել զանազան առեղծվածների ու թյուրիմացությունների պատճառով։ Թեև «Արմագեդոն» բառի իմաստի վերաբերյալ գոյություն ունեն տարբեր տեսակետներ, սակայն դրանց մեծ մասը չի համապատասխանում այն բացատրությանը, որ գտնվում է այս բառի սկզբնաղբյուրում՝ Աստվածաշնչում։

Քանի որ Աստվածաշնչում «Արմագեդոն» բառը կապ ունի «աշխարհքիս վերջի» հետ, ուստի շատ կարևոր է պարզորոշ հասկանալ այդ բառի իսկական նշանակությունը (Մատթէոս 24։3)։ Խելամիտ չի՞ լինի արդյոք դիմել ճշմարտության միակ աղբյուրին՝ Աստծու Խոսքին, իմանալու, թե ինչ է «Արմագեդոնը», և թե ինչ է այն նշանակելու ձեր և ձեր ընտանիքի համար։

Նման ուսումնասիրությունը ցույց կտա, որ «Արմագեդոնը» լինելու է ոչ թե աշխարհի ողբերգական վերջ, այլ երջանիկ կյանքի սկիզբ՝ այն մարդկանց համար, ովքեր ցանկանում են ապրել արդար նոր աշխարհում։ Ընթերցելով հաջորդ հոդվածը՝ կկարողանաք խորությամբ պատկերացնել, թե ինչ է «Արմագեդոնը», և պարզորոշ հասկանալ այս բառի սուրբգրային նշանակությունը։

[շրջանակ/նկար 3–րդ էջի վրա]

ՁԵՐ ԿԱՐԾԻՔՈՎ՝ Ի՞ՆՉ Է ԱՐՄԱԳԵԴՈՆԸ

• Միջուկային բնաջնջում

• Բնական աղետ

• Երկրագնդի հետ երկնային մարմինների բախում

• Աստծու կողմից չարերի կործանում