Օգնեք նրանց դառնալ հմուտ քարոզիչներ
1 Եհովան ցանկանում է, որ մենք հմուտ քարոզիչներ լինենք։ Այդ պատճառով նա շատ բան է նախատեսել մեզ կրթելու համար։ Այդ կրթության շնորհիվ մեր ‘քայլերը հաստատվում’ են (Սաղ. 37։23, Արևմտ. Աստ.)։ Օրինակ՝ ահա արդեն մոտ 60 տարի է, ինչ Աստվածապետական ծառայության դպրոցում կրթություն ենք ստանում, որպեսզի տիրապետենք հռետորական և ուսուցողական արվեստին։ Ի հավելումն դրա՝ կրթվում ենք նաև ամեն շաբաթ անցկացվող Ծառայողական հանդիպման ժամանակ՝ լսելով ներկայացվող գործնական թեմաները, ցուցադրումներն ու քննարկումները։
2 Ամրապնդվում ենք նաև շրջանային վերակացուի կանոնավոր այցելություններից։ Ծառայողական վերակացուն այցելում է գրքի ուսումնասիրության խմբերը՝ ոգևորելով մեզ և խորհուրդներ տալով ծառայությունը բարելավելու ուղղությամբ։ Բացի այդ, ամեն անգամ գալով քարոզչական ծառայության հանդիպումներին, ընդամենը 10 րոպեի ընթացքում ստանում ենք ամրապնդող գործնական խորհուրդներ (Եբր. 10։23–25)։ Աստծո կազմակերպության մեջ անցկացվող այս բոլոր միջոցառումներում տեսնում ենք Եհովայի հոգատարությունը նրանց հանդեպ, ում նա պատվիրել է քարոզել բարի լուրը։
3 Օգնեք երեխաներին և Աստվածաշունչ ուսումնասիրողներին։ Երիտասարդ և նոր քարոզիչները կարիք ունեն, որպեսզի ծառայության մեջ նրանց ինչ–որ մեկն օգնի։ Թեպետ այդպիսի օգնություն ժամանակ առ ժամանակ կարող ենք բոլորս ցույց տալ, սակայն երեխաներին օգնելու հիմնական պատասխանատվությունն ընկած է ծնողների վրա, իսկ նորերին օգնում են նրանք, ովքեր նրանց հետ Աստվածաշունչ են ուսումնասիրում (Գաղ. 6։6; Եփես. 6։4)։ Քարոզելու հմտությանը չեն տիրապետում ինքնաբերաբար՝ ժամանակի հետ զուգընթաց կամ էլ որոշակի փորձ ձեռք բերելով։ Դրան հասնելու համար հարկավոր է սիրով առլեցուն սիստեմատիկ օգնություն և կրթություն։
4 Անհրաժեշտ է օգնություն ցույց տալ մինչև հետաքրքրվողի ծառայության անցնելը։ Եթե նա համապատասխանում է քարոզիչ լինելու պահանջներին, օգնիր նրան սովորելու մի որևէ պարզ մատուցում։ Մինչև փորձ ձեռք բերելը և իր ուժերի մեջ ավելի վստահ դառնալը, թող նա կիրառի միայն մեկ աստվածաշնչյան համար։ Միասին ծառայելիս՝ տանտերերից յուրաքանչյուրի հետ զրուցելուց հետո ժամանակ հատկացրու, որպեսզի ոգևորես հետաքրքրվողին և նրբանկատությամբ ցույց տաս, թե ինչը կարելի է բարելավել։ Ընդգծիր, որ շատ կարևոր է միշտ աղոթքի միջոցով օգնություն խնդրելը (Եփես. 6։18, 19)։
5 Թեպետ ընդհանուր ռահվիրաներից շատերը և մյուս հմուտ քարոզիչները հիմնականում ծառայում են աշխատանքային օրերին, որքա՜ն գովելի է, երբ նրանք վերանայում են իրենց օրակարգը և երբեմն օգնում նրանց, ովքեր ծառայում են շաբաթվա վերջին՝ հանգստյան օրերին։ Նրանց կողմից այդպիսի զոհողությունը անշուշտ կգնահատվի այն քարոզիչների կողմից, ովքեր ցանկանում են բարելավել իրենց ծառայությունը՝ համագործակցելով ավելի հմուտ քարոզիչների հետ (Ժող. 4։9, 10)։
6 Կար ժամանակ, երբ մենք բոլորս ծառայության մեջ սկսնակ ու անփորձ էինք։ Մեզանից շատերը հորդորներ ու օգնություն են ստացել ավելի հմուտ քարոզիչներից կամ ռահվիրաներից։ Այժմյան մեր փորձն ու այն ուրախությունը, որ ստանում ենք ծառայության ժամանակ, նրանց օգնության անմիջական արդյունքն է (Առակ. 27։17; Գործք 20։35)։ Թող որ Եհովայի պարգևած հիասքանչ կրթության համար մեր տածած երախտագիտությունը մեզ էլ մղի ամբողջ սրտով օգնելու մյուսներին դառնալ հմուտ քարոզիչներ։