Հուլիս ամսվա ծառայողական հանդիպումները

Ծանոթագրություն. «Մեր թագավորական ծառայությունը» թերթիկում ամառվա ամիսներին կտրվի յուրաքանչյուր շաբաթվա Ծառայողական հանդիպման ծրագիրը։ Ժողովները կարող են նախապատրաստություններ տեսնել «Աստծո խոսքը կատարողները» նահանգային համաժողովին ներկա լինելու համար։ Համաժողովին նախորդող շաբաթվա Ծառայողական հանդիպման ընթացքում 15 րոպե ժամանակ պետք է տրամադրել մայիս ամսվա թերթիկի ներդիրում զետեղված խորհուրդները քննարկելու համար։ Բոլորին խրախուսիր համաժողովի օրերին ծրագիրը սկսելուց առաջ՝ առավոտյան և կեսօրին, աչքի անցկացնել ելույթների ցանկը և մտովի նախապատրաստվել նշված նյութերի քննարկմանը։ Դա կօգնի ավելի հեշտությամբ կենտրոնանալ ելույթների վրա ու կարճ, բայց իմաստալից գրառումներ կատարել։ Համաժողովից հետո 2–4 շաբաթվա ընթացքում տեղի ունեցող Ծառայողական հանդիպումների ժամանակ 30 րոպե կտրամադրվի համաժողովի ծրագրի ուշագրավ կետերի քննարկմանը։ Ծրագրի այս բաժինները կանցկացնեն երեք պատրաստված եղբայրներ, իսկ մյուսները պատրաստ կլինեն կարճ մեկնաբանություններ տալու, երբ դրա անհրաժեշտությունը լինի։ Այդ մեկնաբանությունները ցույց կտան, թե ինչպես ենք կյանքում և ծառայության մեջ կիրառել այն, ինչը լսել ենք համաժողովում։ Կարելի է համաժողովի հետ կապված հակիրճ մեկ–երկու դեպք պատմել։ Լավ նախապատրաստվելը երաշխիք կհանդիսանա Ծառայողական հանդիպման այս մասը հետաքրքիր և ուսուցողական անցկացնելու համար։

Հուլիսի 10–ով սկսվող շաբաթը

Երգ 195

12 րոպե. Տեղական հայտարարություններ։ Ընտրովի հայտարարություններ «Մեր թագավորական ծառայությունը» թերթիկից։ Ներկայացրու Հայաստանի և տեղի ժողովի՝ փետրվար ամսվա հաշվետվությունները։ Ունկնդիրների ուշադրությունը հրավիրիր «Նայեցեք վերջին էջին» խորագրով շրջանակի վրա և ցուցադրիր առաջարկված մատուցումներից որևէ մեկը, որը, կիրառելով ժողովի տարածքում, կարելի է լավ արդյունքների հասնել։

15 րոպե. ««Մենք չենք կարող.... չ’խօսել»»։ Հոդվածի առաջաբանը պետք է մեկ րոպեից քիչ տևի, ապա սկսիր հարց ու պատասխանով քննարկումը։ Թվարկիր այն հիմքերը, որոնցից ելնելով պետք է լրջորեն վերաբերվել քարոզչությանը։ Ելույթիդ մեջ նաև ընդգրկիր «Դիտարանի» 1997 թ. ապրիլի 1–ի համարի 27 և 28 էջերում զետեղված նյութից այն կետերը, որոնք վերաբերում են քո թեմային։

18 րոպե. ««Թող.... բոլորը լինի ի շինութիւն»»։ Երկու երեց քննարկում են հոդվածը։ Նրանք կարդում են յուրաքանչյուր պարբերությունը և մեջբերված սուրբգրային համարները, ընդգծում են տրված սկզբունքները և շեշտում, որ պետք է շրջահայաց լինել գործարար ձեռնարկումներ կազմակերպելիս կամ էլ ներդրումներ կատարելիս։ Քննարկում են նաև «Դիտարանի» 1997 թ. հունիսի 1–ի համարում տրված խորհուրդը (էջ 23—25, 27)։

Երգ 222 և եզրափակիչ աղոթք։

Հուլիսի 17–ով սկսվող շաբաթը

Երգ 46

15 րոպե. Տեղական հայտարարություններ։ Ֆինանսական հաշվետվություն։ Հակիրճ ցույց տուր, թե ինչպես կարելի է օգտագործել «Աստծո անունը» (ռուս.) գրքույկը և օգնել հետաքրքրվող անհատին՝ գիտակցելու Աստծո անձնական անունը իմանալու և գործածելու կարևորությունը (տես «Աստծո անունը» գրքույկը, էջ 28, 29)։

10 րոպե. «Նոր շրջանային համաժողովի ծրագիրը»։ Հարց ու պատասխան։ Հայտարարիր համաժողովը սկսվելու ամսաթիվը և խրախուսիր բոլորին այդ միջոցառման երկու օրերին էլ ներկա գտնվել։ Քաջալերիր ունկնդիրներին ամեն ջանք գործադրել, որպեսզի իրենց հետ Աստվածաշունչ ուսումնասիրող անհատները ևս ներկա գտնվեն համաժողովին։ Վերջիններիս ներկայությունը գուցե իրենց մեջ ցանկություն առաջացնի՝ կանոնավորաբար հաճախելու ժողովի հանդիպումներին։

20 րոպե. Ո՞ւմ պետք է ընդօրինակես։ Հայրը ընտանեկան ուսումնասիրություն է անցկացնում իր մեկ կամ երկու անչափահաս երեխաների հետ։ Նա վերջերս նկատել է, որ երեխաների խոսակցությունները հիմնականում պտտվում են սպորտի և կինոյի աստղերի, երաժիշտների և հեռուստահաղորդումների ճանաչված մարդկանց շուրջ։ Այս փաստը մտահոգություն է պատճառում հորը, քանի որ նման բաներով տարվելը աշխարհի ոգու ազդեցության արդյունքն է։ Նրանք միասին քննարկում են «Արթնացե՛ք» պարբերագրի 1998 թ. մայիսի 22–ի համարում մատուցված նյութը, էջ 12—14 (ռուս.)։ Պատանիները հասկանում են, որ այս աշխարհի աստղերին մեծարելը վտանգավոր է և ընդունում են, որ քրիստոնյաները նրանցից չէ, որ պետք է օրինակ վերցնեն։ Քննարկում են այն օգուտները, որոնք ստանում են պատանիները՝ իրենց ծնողներին, երեցներին, ժողովի մյուս օրինակելի քրիստոնյաներին և հատկապես Հիսուս Քրիստոսին ընդօրինակելով։

Երգ 34 և եզրափակիչ աղոթք։

Հուլիսի 24–ով սկսվող շաբաթը

Երգ 150

5 րոպե. Տեղական հայտարարություններ։

15 րոպե. Ներկայացնենք ինքներս մեզ՝ որպես Աստծուն ծառայողներ։ Երկու ծառայողական օգնականներ քննարկում են սուրբգրային այն խրատը, որը տրվում է «Դիտարանի» 1999 թ. հունվարի 1–ի համարում (էջ 17, 18)։ Նրանք ընդգծում են այն բանի անհրաժեշտությունը, որ ծառայողական օգնականը ամեն կերպ պետք է ձգտի համապատասխանել իրենից ակնկալվող պահանջներին և վերանայում են, թե անձամբ իրենք ինչ նախաձեռնություններ կարող են հանդես բերել իրենց պարտականությունները կատարելիս։ Նրանք նշում են քարոզչության մեջ օրինակելի լինելու կարևորությունը և քննարկում, թե ինչ միջոցներով կարող են երեցներին օգտակար լինել հավատակիցներին անձնական օգնություն ցույց տալու հարցում։ Նրանք գալիս են այն եզրակացության, որ հարկավոր է իրենց ուժերից եկածն անել՝ օգնելով ժողովի անդամներին գիտակցել ժամանակի սուղ լինելը, աճել ու առաջադիմել հոգևորապես։

10 րոպե. Չդադարենք տնից տուն քարոզել։ Հարց ու պատասխանով քննարկում՝ հիմնված «Մեր ծառայությունը» գրքի վրա (էջ 84—87, ռուս.)։ Նաև ընդգրկիր «Մեր թագավորական ծառայությունը» թերթիկի 1994 թ. հուլիսի համարից տվյալ հարցի վերաբերյալ հիմնական կետերը (էջ 1)։

15 րոպե. Արդյունավետ մատուցումներ գործածիր։ «Ինչպե՞ս վարել Աստվածաշնչի թեմայով զրույցը» գրքույկի 2—7 էջերում տրված մատուցումներից ընտրիր երկու–երեք առաջարկված տարբերակ և ցույց տուր, թե ինչպես կարելի է արդյունավետ կերպով կիրառել դրանք ժողովի տարածքում։ Ունկնդիրներին հարցրու. «Իսկ դո՞ւք ինչպիսի մատուցում եք օգտագործում փողոցում վկայություն տալիս կամ տնից տուն ծառայելիս»։ Եթե ժամանակը ներում է, մեկ–երկու մատուցում ցուցադրիր։

Երգ 160 և եզրափակիչ աղոթք։

Հուլիսի 31–ով սկսվող շաբաթը

Երգ 95

15 րոպե. Տեղական հայտարարություններ։ Հիշեցրու հուլիս ամսվա հաշվետվությունները հանձնելու մասին։ Հարցերի արկղ։ Հրավիրիր ունկնդիրներին պատմել ծառայությունից դեպքեր, որոնք պատահել են իրենց հետ գրքույկներ տարածելիս։

12 րոպե. Տեղական կարիքներ։

18 րոպե. «Գնահատո՞ւմ ես Եհովայի համբերատարությունը»։ Հարց ու պատասխան։ Ընդգրկիր նաև տեղին մեկնաբանություններ Եհովայի երկայնամտության վերաբերյալ (տես «Դիտարանի» 1991 թ. օգոստոսի 1–ի համարը, էջ 10—14, պարբ. 1—12)։

Երգ 33 և եզրափակիչ աղոթք։

Օգոստոսի 7–ով սկսվող շաբաթը

Երգ 28

10 րոպե. Տեղական հայտարարություններ։

17 րոպե. «Բնավորությամբ ամաչկո՞տ ես»։ Հարց ու պատասխան։ «1997 թ. տարեգրքից» քաջալերիչ դեպքեր պատմիր (էջ 43, 44, ռուս.)։

18 րոպե. Դարձիր ողջամիտ անձնավորություն։ Երեցի ելույթը։ Երիտասարդները փափագում են երջանիկ ապագա վայելել այն անհատների հետ, ում հանդեպ սեր են տածում։ Ինչ խոսք, նման ձգտումը բնական է, սակայն այդ հարցում հաջողության հասնելու համար հարկավոր է կիրառել աստվածային խորհուրդները (Առակ. 19։20)։ Երիտասարդներին հատուկ է հակառակ սեռի հանդեպ մեծ հակվածությունը, ուստի զգացմունքները չսանձելու դեպքում աղետալի հետևանքներ են սպասվում։ Շատ հարցեր են ծագում նաև անչափահասների հետ կապված, օրինակ, հակառակ սեռի նկատմամբ զգացմունքներ տածելը և ռոմանտիկ հարաբերություններ զարգացնելու ցանկությունը, որը հանգեցնում է այն բանին, որ նրանք սկսում են իրար հետ հանդիպել։ Քննարկիր այն նախազգուշացումները, որոնք տրվում են «Երիտասարդների հարցերը» գրքի 231—235 էջերում (ռուս.)։ Ընդգծիր նաև «Դիտարանի» 1999 թ. դեկտեմբերի 1–ի համարի 14—18 էջերում զետեղված գլխավոր մտքերը, որոնք մատնանշում են Աստծո առաջ երիտասարդների պարտականությունը կատարելու անհրաժեշտությունը։ Խրախուսիր պատանիներին խորհրդածել այդ խրատի շուրջը և իրենց հուզող հարցերը քննարկել ծնողների հետ։

Երգ 127 և եզրափակիչ աղոթք։