Գնահատանք զարգացնենք Աստվածաշնչի՝ ժամանակակից գրքերից հնագույնի նկատմամբ

Ներքոհիշյալ հարցերը մեր ուշադրությանն են հրավիրում որոշ մտքեր, որոնք հավանաբար նկատել ես այս տեսաֆիլմը դիտելիս. 1) Ո՞ր փաստերն են ցույց տալիս, որ Աստվածաշնչի նման գիրք չկա։ 2) Բեր մի օրինակ, որը ցույց է տալիս, որ Աստվածաշունչը, հնագույն գիրք լինելով հանդերձ, չի հակասում գիտությանը։ 3) Ինչպե՞ս կարող ես համոզված լինել, որ այսօր մեր ունեցած Աստվածաշնչերի գրությունը բնագրից չի տարբերվում։ 4) Ո՞րն է Աստվածաշնչի հնագույն ձեռագրերի առանձնահատկություններից մեկը, և ինչպե՞ս է այն վստահություն ներշնչում։ 5) Ի՞նչ կերպերով են Ջոն Ուիքլիֆը, Յոհան Գուտենբերգը, Վիլյամ Թինդալը, Մերի Ջոնսը և Չարլզ Թեյզ Ռասելը նպաստել Աստծու Խոսքը ամբողջ աշխարհում տարածելու գործին։ 6) Ինչպե՞ս է եկեղեցին մեծ հակառակություն ցույց տվել Աստվածաշնչի հանդեպ, սակայն ինչի՞ շնորհիվ է այն պահպանվել մինչև մեր օրերը։ 7) Ի՞նչ մասշտաբի գործ է կատարել Եհովայի կազմակերպությունը Աստվածաշունչը թարգմանելու և հրատարակելու ուղղությամբ։ 8) Ինչպե՞ս են Աստվածաշնչի գործնական խորհուրդները օգնում մարդկանց հաղթահարել այնպիսի պրոբլեմներ, ինչպիսիք են՝ խաղամոլությունը (Ա Տիմոթ. 6։9, 10), ամուսինների անջատ ապրելու, ամուսնական անհավատարմության (Ա Կորնթ. 13։4, 5; Եփես. 5։28) և նյութապաշտության պրոբլեմը (Մատթ. 16։26)։ 9) Ի՞նչ փաստ կա, որ սուրբգրային սկզբունքները կիրառելով՝ մենք կարող ենք հաղթահարել ազգային, էթնիկական և ռասայական ատելությունը, որ տարածված է աշխարհում։ 10) Ի՞նչ կերպերով է Աստվածաշնչի պարունակած տեղեկությունը մեծ ուրախություն պատճառել քեզ։ 11) Ըստ քեզ՝ ո՞վ կարող է օգուտներ քաղել այս տեսաֆիլմից, և ինչպե՞ս կարող ես առաջարկել նրանց՝ դիտելու այն։