Հարցերի արկղ
◼ Տեղի՞ն է արդյոք փակցնել մեր էլեկտրոնային փոստի հասցեն գրականության վրա, որը տարածում ենք։
Որոշ քարոզիչներ կպչուն պիտակների օգնությամբ իրենց էլեկտրոնային հասցեն են փակցնում պարբերագրերի և թերթիկների վրա, որոնք տալիս են մարդկանց։ Նրանք, ովքեր վերցնում են գրականությունը, հետո հնարավորություն են ունենում քարոզչի հետ կապ հաստատելու և հավելյալ տեղեկություններ ստանալու։ Հետաքըրքրվող անհատներին օգնելու այդպիսի ջանքերը թելադրված են լավագույն մղումներից։ Այդուհանդերձ, մեր պաշտոնական վեբ կայքն արդեն նշված է պարբերագրերի և թերթիկների վերջին էջում։ Ուստի լավ կլինի, եթե չփակցնենք մեր էլեկտրոնային փոստի հասցեն գրականության վրա։
Եթե քարոզիչը իրեն նշանակված տարածքում ապրող մարդկանց առանձին թղթի վրա իր հետ կապ հաստատելու տվյալներ է տալիս, հատկապես վերայցելություններ կատարելու ժամանակ, դա նրա անձնական գործն է։ Մենք պետք է նախաձեռնություն վերցնենք, որպեսզի վերայցելենք հետաքրքրություն ցույց տվող անհատներին, և ոչ թե իրենց թողնենք որոշումը, որ մեզ հետ կապ հաստատեն հավելյալ տեղեկություն ստանալու համար։ Ավելի հեշտ է անձնական հետաքրքրություն ցույց տալ, երբ անհատի հետ զրուցում ենք երես առ երես։