Հիսուսը վերջ կդնի հանցագործությանը

Հիսուսը գիտի, թե ինչ է նշանակում հանցագործության և անարդարության զոհ լինել։ Նրան անհիմն մեղավոր ճանաչեցին, ապօրինաբար ծեծեցին, անարդարացիորեն դատեցին և մահվան դատապարտեցին։ Թեև նա անմեղ էր, բայց պատրաստակամորեն և անձնազոհաբար «իր կյանքը որպես փրկագին տվեց շատերի համար» (Մատթեոս 20։28; Հովհաննես 15։13)։ Շուտով Հիսուսը՝ որպես Աստծու թագավորության Թագավոր, ողջ աշխարհում մեկընդմիշտ վերջ կդնի հանցագործությանը (Եսայիա 42։3)։

Աստվածաշունչը նկարագրում է, թե ինչպիսին կլինի աշխարհը, երբ Հիսուսը գործի անցնի.

• «Անօրեններն այլևս չեն լինի, կնայես այնտեղ, որտեղ առաջ էին, բայց էլ նրանց չես տեսնի: Իսկ հեզերը կժառանգեն երկիրը և ապրելով լիակատար խաղաղության մեջ՝ անսահման ուրախություն կվայելեն» (Սաղմոս 37։10, 11).

Ինչպե՞ս կարող ենք մեր գնահատանքը ցույց տալ այն ամենի համար, ինչ Քրիստոսը արել է և դեռ անելու է հանուն մեզ։ Կերպերից մեկը «Աստծու թագավորության մասին բարի լուրի» վերաբերյալ ավելին իմանալն է. հենց այդ լուրն էր քարոզում Հիսուսը (Ղուկաս 4։43)։ Կարդացեք «Ի՞նչ է Աստծու Թագավորությունը» հոդվածը։