Համատարած օրինազանցություն։ Ի՞նչ է ասում Աստվածաշունչը

Զինված խմբավորումները իրենց հանցագործություններով ողողել են Հայիթին։ Բռնությամբ են լցված Հարավաֆրիկյան Հանրապետությունը, Մեքսիկան և Լատինական Ամերիկայի երկրները։ Իսկ այն երկրներում, որտեղ բռնությունը նվազել է, ունեցվածքի հափշտակությունը շարունակում է անհանգստության ու անապահովության զգացումով պարուրել մարդկանց։

Ի՞նչ է ասում Աստվածաշունչը աշխարհում համատարած անօրենության մասին։

Աստվածաշնչում կանխագուշակված է մերօրյա անօրենությունը

Աստվածաշնչում կանխագուշակված է, որ անօրենությունը «աշխարհի վախճանի» ժամանակների նշանի մաս է լինելու (Մատթեոս 24։3)։ Այդ նշանը բնութագրող իրադարձությունները նկարագրելիս Հիսուսն ասաց.

• «Անօրենության շատանալու պատճառով շատ-շատերի սերը կսառչի» (Մատթեոս 24։12)։

Աստվածաշունչը նաև կանխագուշակել է, որ «վերջին օրերում» մարդիկ կլինեն «ինքնատիրապետում չունեցող, դաժան, առաքինություն չսիրող» (2 Տիմոթեոս 3։1-5)։ Այսօր նման եսասիրական հատկանիշները նպաստում են մեծ տարածում ունեցող անօրեն վարքին։

Բայց ապագային հույսով նայելու հիմնավոր պատճառ կա։ Աստվածաշունչը խոստանում է, որ շուտով անօրենությունը իսպառ վերանալու է։

• «Եվս մի փոքր ժամանակ, և ամբարիշտն այլևս չի լինի, կնայես նրա տեղին, և նա չկա։ Սակայն հեզերը կժառանգեն երկիրը և անսահման կուրախանան խաղաղության առատությամբ» (Սաղմոս 37։10, 11)։

Ավելին իմացեք Աստվածաշնչի տված հույսի մասին և պարզեք, թե ինչու կարող եք համոզված լինել, որ ներկայիս իրադարձություններով իրագործվում են աստվածաշնչյան մարգարեությունները։ Ընթերցեք ներքոհիշյալ հոդվածները։

«Լավ ապագա. երազա՞նք, թե՞ իրականություն»

«Ո՞րն է «վերջին օրերի», կամ՝ «վերջի ժամանակի» նշանը»

«Աստվածաշնչում կանխագուշակվե՞լ է ժամանակակից մարդկանց մտածելակերպի ու վարվելակերպի մասին»