Աստվածաշնչում խոսվո՞ւմ է միասեռ ամուսնության մասին

Աստվածաշնչի պատասխանը

Կառավարությունների՝ ամուսնությունը կանոնակարգելու համար օրենքներ ընդունելուց դեռ շատ առաջ մեր Ստեղծիչը արդեն հիմնել էր ամուսնության վերաբերյալ օրենքներ։ Աստվածաշնչի առաջին գրքում ասվում է. «Տղամարդը կթողնի իր հորն ու մորը և կմիանա իր կնոջը, ու նրանք մեկ մարմին կլինեն» (Ծննդոց 2:24)։ Եբրայերեն «կին» բառը ըստ աստվածաշնչյան մի բառարանի «նշանակում է մեկը, ով իգական սեռի է պատկանում» (Vine’s Expository Dictionary of Biblical Words)։ Հիսուսը հաստատեց սա՝ ասելով, որ նրանք, ովքեր ամուսնական կապով կապված են, պետք է լինեն «արու եւ էգ» (Մատթեոս 19:4, «Արարատ» թարգմանություն)։

Այսպիսով Աստված նպատակադրել էր, որ ամուսնությունը լինի հարատև և մտերիմ կապ տղամարդու ու կնոջ միջև։ Տղամարդն ու կինը ստեղծված են որպես մեկը մյուսի լրացում։ Նրանք կարող են միմյանց զգացական ու սեռական կարիքները բավարարել և երեխաներ ունենալ։