Տառապող միտք

ԴԵՊՐԵՍԻՎ վիճակում Նիկոլը պարբերաբար հայտնվում էր 14 տարեկանից։ Սակայն 16 տարեկանում նրա հետ սկսեց բոլորովին նոր բան կատարվել. աղջիկը հայտնվեց էյֆորիայի զարմանալի վիճակում և սկսեց արտասովոր եռանդ դրսևորել։ Նրա կտրուկ մտքերը, ընդհատ, անհասկանալի խոսքերը և անքնությունը ուղեկցվում էին ընկերների հանդեպ անհիմն կասկածներով։ Աղջկան թվում էր, թե վերջիններս շահագործում են իրեն։ Ապա Նիկոլը սկսեց պնդել, թե կարող է փոխել առարկաների գույները, ինչպես որ ցանկանա։ Այս բանից հետո աղջկա մայրը հասկացավ, որ նրան բժշկի օգնություն է հարկավոր։ Ուստի նա Նիկոլին տարավ հիվանդանոց։ Աղջկա տրամադրության այդ փոփոխությունները մանրազնին քննելուց հետո բժիշկներն, ի վերջո, ախտորոշեցին հիվանդությունը. Նիկոլը տառապում էր երկբևեռ խանգարումով։a

Նիկոլի նման՝ միլիոնավոր մարդիկ ողջ աշխարհում տառապում են հուզական, կամ՝ տրամադրության խանգարումներով (կարող է լինել ինչպես երկբևեռ խանգարում, այնպես էլ կլինիկական դեպրեսիայի որևէ ձև)։ Այս հիվանդությունները կործանարար հետևանքներ են թողնում հիվանդների վրա։ «Տարիներ շարունակ տառապանքների մեջ էի,— ասում է Սթիվենը, որ տառապում է երկբևեռ խանգարումով։— Մերթ սարսափելի ընկճված էի, մերթ արտասովոր ցնծություն էի ապրում։ Թերապիան և դեղամիջոցները օգնեցին, բայց դա, միևնույն է, պայքար էր»։

Ո՞րն է հուզական խանգարումների առաջացման պատճառը։ Ի՞նչ է նշանակում տառապել դեպրեսիայով կամ երկբևեռ խանգարումով։ Ինչպե՞ս կարելի է հարկ եղած օգնությունը ցույց տալ այս հիվանդությամբ տառապողներին և նրանց խնամողներին։

[Ծանոթագրություններ]