Նրանք լսեցին Սատանային. ի՞նչ եղավ հետևանքը

Ադամն ու Եվան չհնազանդվեցին Աստծուն և մահացան։ Ծննդոց 3։6, 23

Եվան լսեց օձին և կերավ ծառի պտղից։ Հետո Ադամին տվեց, և Ադամն էլ կերավ։

Այն, ինչ նրանք արեցին, սխալ էր։ Նրանք մեղք գործեցին։ Աստված նրանց դուրս արեց դրախտից։

Ադամի ու Եվայի կյանքը դժվարություններով լցվեց։ Նրանց երեխաների կյանքը նույնպես լի էր դժվարություններով։ Ժամանակի ընթացքում Ադամն ու Եվան ծերացան ու մահացան։ Նրանք ոգեղեն աշխարհ չգնացին։ Պարզապես դադարեցին գոյություն ունենալուց։

Մահացած մարդիկ անկենդան են, ինչպես հողը։ Ծննդոց 3։19

Մարդիկ մահանում են, քանի որ բոլորն էլ Ադամի ու Եվայի ժառանգներն են։ Մահացած մարդիկ չեն կարող տեսնել, լսել և որևէ բան անել (Ժողովող 9։5, 10)։

Եհովա Աստված չէր ուզում, որ մարդիկ մահանան։ Շուտով նա հարություն կտա, այսինքն՝ կկենդանացնի մահացածներին։ Եթե նրանք լսեն Աստծուն, հավիտյան կապրեն։