8-րդ բաժնի ներածություն

Եհովան օրհնեց Սողոմոնին՝ տալով իմաստություն ու տաճարը կառուցելու առանձնաշնորհում։ Սակայն Սողոմոնը աստիճանաբար հեռացավ Եհովայից։ Եթե ծնող ես, բացատրիր երեխայիդ, թե ինչպես կեղծ աստվածների պաշտող մարդիկ Սողոմոնին հեռացրին Աստծուց։ Թագավորությունը բաժանվեց։ Վատ թագավորները ժողովրդին հավատուրացության ու կռապաշտության ուղու վրա կանգնեցրին։ Այդ ընթացքում Եհովային նվիրված բազմաթիվ մարգարեներ հալածանքներ կրեցին և սպանվեցին։ Հեզաբել թագուհին հյուսիսային թագավորությունը ավելի մեծ հավատուրացության մեջ մխրճեց։ Դա Իսրայելի պատմության մութ էջերից էր։ Սակայն իսրայելացիների մեջ դեռևս կային Եհովային հավատարիմ բազմաթիվ անհատներ, որոնցից էին Հովսափատ թագավորն ու Եղիա մարգարեն։