«Որոշված ժամանակը» մո՛տ է — Դիտարանի ՕՆԼԱՅՆ ԳՐԱԴԱՐԱՆ

«Որոշված ժամանակը» մո՛տ է

ԱՄԲԱԿՈՒՄ մարգարեի նման՝ Հիսուսի աշակերտներն էլ էին ուզում, որ տառապանքը վերանա։ Իմանալով, որ Աստծու Թագավորությունն է լուծելու մարդկության բոլոր խնդիրները՝ նրանք հարցրին. «Ե՞րբ են լինելու այս բաները, և ո՞րն է լինելու քո [Թագավորության] ներկայության և իրերի համակարգի վախճանի նշանը» (Մատթեոս 24։3)։ Ի պատասխան՝ Հիսուսն ասաց, որ միայն Եհովա Աստված գիտի, թե կոնկրետ երբ է Թագավորությունը իշխելու երկրի վրա (Մատթեոս 24։36; Մարկոս 13։32)։ Սակայն Հիսուսը որոշ դեպքեր կանխագուշակեց, որոնք ցույց էին տալու, որ վերջը մոտ է (տե՛ս շրջանակը)։

Համաձա՞յն ես, որ այսօր տեղի են ունենում նման բաներ։ Հիսուսը կանխագուշակեց նաև, որ համաշխարհային կրթական ծրագիր է իրականացվելու։ Նա ասաց. «Թագավորության այս բարի լուրը կքարոզվի ամբողջ բնակեցված երկրով մեկ՝ բոլոր ազգերին վկայություն լինելու համար, և այդ ժամանակ կգա վերջը» (Մատթեոս 24։14)։

Այսօր ավելի քան յոթ միլիոն Եհովայի վկաներ աշխարհի գրեթե 236 երկրներում կատարում են այս աշխատանքը՝ մարդկանց պատմելով, թե ինչ է անելու շուտով Աստծու Թագավորությունը։ Նրանք օգնում են մարդկանց ներդաշնակեցնելու իրենց կյանքը Աստծու արդար չափանիշներին։ Շարունակիր սովորել Աստծու Թագավորության մասին։ Քեզ հնարավորություն է ընձեռված ապրելու մի աշխարհում, որտեղ հավիտյան տառապանք չի լինելու։

[շրջանակ 8–րդ էջի վրա]

Սուրբգրային համարներ վերջին օրերի վերաբերյալ

ՄԱՏԹԵՈՍ 24։6, 7; ՀԱՅՏՆՈՒԹՅՈՒՆ 6։4

• Աննախադեպ պատերազմներ

ՄԱՏԹԵՈՍ 24։7; ՄԱՐԿՈՍ 13։8

• Մեծ երկրաշարժեր

• Սովեր

ՂՈՒԿԱՍ 21։11; ՀԱՅՏՆՈՒԹՅՈՒՆ 6։8

• Համաճարակներ

ՄԱՏԹԵՈՍ 24։12

• Անօրենությունը կշատանա

• Սերը մարդկանց մեջ կսառչի