Ուսումնասիրում ենք «Երբևէ ապրած մեծագույն մարդը» գիրքը
1 2008 թ. հունվարի 21–ով սկսվող շաբաթից սկսած՝ ժողովի Գրքի ուսումնասիրության հանդիպմանը քննարկելու ենք «Երբևէ ապրած մեծագույն մարդը» գիրքը։ Ինչպիսի՜ բավականություն կստանանք՝ վերհիշելով Հիսուս Քրիստոսի կյանքն ու ծառայությունը։ Քանի որ այս գրքի ձևավորումը փոքր–ինչ տարբեր է Գրքի ուսումնասիրության հանդիպմանը քննարկված մյուս գրքերի ձևավորումից, ուստի այս հոդվածում տրված որոշ ցուցումներ կօգնեն մեզ գիրքը ուսումնասիրելիս։
2 Գրքի էջերը համարակալված չեն, ուստի «Մեր թագավորական ծառայությունը» թերթիկի այս համարում տպագրված ծրագրում նշված են գրքի գլուխները, հիմնականում երեք կամ չորս գլուխ մեկ շաբաթվա համար։ 35–րդ, 111–րդ և 116–րդ գլուխները ավելի երկար են, ուստի դրանցից յուրաքանչյուրը կուսումնասիրենք երկու շաբաթվա ընթացքում։ Երբ նշանակված եղբայրը ընթերցի ամբողջ գլուխը (իսկ 35–րդ, 111–րդ և 116–րդ գլուխների պարագայում՝ ամբողջ ենթավերնագիրը), ապա Գրքի ուսումնասիրության վերակացուն կտա գլխի վերջում տրված հարցերը կամ ընթերցված ենթավերնագրին վերաբերող հարցերը։ Հարցերի պատասխանները միշտ չէ, որ տրված են հերթականությամբ։ Մեկնաբանությունները պետք է լինեն կարճ ու դիպուկ և հիմնված լինեն քննարկվող նյութի վրա։
3 Հարցերը քննարկելուց հետո եթե ժամանակը թույլ է տալիս, հարկավոր է կարդալ գլխի վերջում բերված սուրբգրային համարները։ Աստվածաշնչից ընթերցվող մեծ հատվածները կարելի է բաժանել մի քանի մասերի, որպեսզի շատերը հնարավորություն ունենան մասնակցելու ընթերցանությանը, այնուհետև կարելի է մեկնաբանություններ տալ կարդացած համարների վերաբերյալ։ Գրքի ուսումնասիրության վերակացուն նախապես պատրաստած հարցերով կօգնի ներկաներին իմաստալից մեկնաբանություններ տալ, որոնք ցույց կտան, թե ինչպես են ընթերցված համարները կապված գրքում տրված տեղեկության հետ։ Բոլոր հարցերը և պատասխանները պետք է օգնեն ներկաներին կենտրոնանալ Հիսուս Քրիստոսի, նրա կյանքի և ուսուցումների վրա։
4 «Մեծագույն մարդը» գրքում Հիսուսի կյանքը նկարագրված է ժամանակագրական կարգով։ Եթե փորձենք պատկերացնել կատարված իրադարձությունները և ուշադրություն դարձնենք, թե որտեղ են դրանք տեղի ունեցել, կկարողանանք ավելի լավ մտապահել կատարված դեպքերը։ Հետևաբար քննարկիր գունագեղ նկարները և հաճախ անդրադարձիր քարտեզին, որը գտնվում է գրքի սկզբում՝ ներածությունից հետո։
5 Գրքի ներածությունը կքննարկվի առաջին շաբաթվա ընթացքում։ Ենթավերնագրի տակ եղած բոլոր պարբերությունների ընթերցանությունից հետո Գրքի ուսումնասիրության վերակացուն կտա ընթերցված նյութի վերաբերյալ իր պատրաստած հարցերը։ Ներածության քննարկումը լավ հիմք կդնի հետագա քննարկումների համար։ Այն, թե որքան լավ կքննարկվի այս գրքում տեղ գտած նյութը, մեծապես կախված է ներկաներից յուրաքանչյուրի նախապատրաստվելուց։ Լավ պետք է նախապատրաստվի հատկապես վերակացուն, որպեսզի կարողանա օգնել խմբին լավ ճանաչելու երբևէ ապրած մեծագույն մարդուն՝ մեր Տիրոջն ու Փրկչին՝ Հիսուս Քրիստոսին։