Ովքե՞ր են կատարում Եհովայի կամքը այսօր
1. Երբվանի՞ց ենք սկսելու ուսումնասիրել «Եհովայի կամքը» գրքույկը, և ինչո՞վ այն օգտակար կլինի մեզ համար։
1 Հոկտեմբերի 28-ով սկսվող շաբաթից Աստվածաշնչի ուսումնասիրության հանդիպմանը քննարկելու ենք «Ովքե՞ր են կատարում Եհովայի կամքը այսօր» գրքույկը։ Այս նոր գրքույկը, որը լույս է տեսել «Պահպանի՛ր քո սիրտը» խորագրով մարզային համաժողովին, նախատեսված է ուսումնասիրողներին դեպի կազմակերպություն ուղղելու համար։ Այս հրատարակության ուսումնասիրությունը ոչ միայն կավելացնի մեր գնահատանքը այն բանի հանդեպ, որ մենք Եհովայի կազմակերպության մի մասն ենք, այլև կօգնի լավ իմանալու, թե ինչպես օգտագործենք այս արժեքավոր գործիքը ծառայության մեջ (Սաղ. 48։13)։
2. Ինչպե՞ս է ժողովում անցկացվելու գրքույկի քննարկումը։
2 Ինչպե՞ս է անցկացվելու ուսումնասիրությունը։ Հանդիպումն անցկացնողը պետք է ժամանակն այնպես բաշխի, որ յուրաքանչյուր դաս հավասարապես քննարկվի։ Բոլոր 28 դասերը ներկայացնելիս նա կկարդա հարցի տեսքով վերնագիրը, ապա կխնդրի, որ ընթերցողը կարդա նախաբանը։ Ընթերցելուց հետո անցկացնողը լսարանին կտա իր պատրաստած հարցը։ Այնուհետև կանդրադառնա մյուս մասերին, որոնք սկսում են վերնագիր հարցին պատասխանող թավատառ նախադասությամբ։ Դրանք հարկավոր է կարդալ և քննարկել առանձին։ Յուրաքանչյուր մասի ընթերցանությունից հետո եղբայրը կխնդրի մեկնաբանել, թե ինչպես է այն պատասխանում վերնագիր հարցին։ Գրքույկում կան շատ նկարներ, որոնց վերաբերյալ կարելի է մեկնաբանություններ տալ։ Անցկացնողը պետք է ընտրի, թե որ սուրբգրային համարները կարդա։ Նախքան հաջորդ դասին անցնելը՝ եղբայրը էջի ներքևում գտնվող հարցերով պետք է կրկնի դասը։ Եթե դասի հետ կա նաև «Իմացիր ավելին» շրջանակը, ապա այն նույնպես պետք է ընթերցվի, և անցկացնողը ունկնդիրներին կհրավիրի մեկնաբանելու, թե ինչ օգուտներ կքաղի Աստվածաշունչ ուսումնասիրողը, եթե կիրառի տրված առաջարկը։ Եթե ժամանակը ներում է, անցկացնողը կարող է ուսումնասիրության վերջում վերնագիր հարցերի միջոցով կրկնել դասերը։ Նկատի ունեցիր, որ պարտադիր չէ գրքույկը այս ձևով քննարկել Աստվածաշնչի տնային ուսումնասիրության ժամանակ։
3. Ինչպե՞ս կարող ենք լիարժեք օգուտներ քաղել այս գրքույկի ուսումնասիրությունից։
3 Որպեսզի լիարժեք օգուտներ քաղենք քննարկումից, պետք է լավ նախապատրաստվենք։ Ջանքեր գործադրիր, որպեսզի մեկնաբանություններ տաս։ Քննարկման ընթացքում մտածիր, թե նյութը ինչով օգտակար կլինի Աստվածաշունչ ուսումնասիրողների համար։ Թող որ այս նոր գրքույկի ուսումնասիրությունը նպաստի այն բանին, որ օգնենք ուրիշներին միանալու մեզ Աստծու կամքը կատարելու հարցում, և ունենալու հավիտյան ապրելու հեռանկարը (1 Հովհ. 2։17)։