Ծառայությունդ ընդարձակելու կերպեր

¹ Ավելի քան 40 տարի առաջ «Լավագույնն անո՞ւմ ես արդյոք» վերնագրով մի հոդված լույս տեսավ «Դիտարան» ամսագրի 1955 թ. հունվարի 15–ի համարում (անգլ.), որտեղ սիրով ներկայացվում էին կերպեր, որոնցով Եհովայի ծառաները կարող էին անհատապես ավելի շատ ջանք թափել ծառայության մեջ Թագավորության գործունեությունն ընդարձակելու համար։ Դրանք կիրառելի են նաև մեր օրերում, քանի որ մենք էլ շարունակ կատարելագործվում ենք։

² Մեր ողջ ծառայության համար մղիչ ուժ պետք է հանդիսանա հետևյալ, ամենամեծ հրահանգը. «Պիտի սիրես քո Տէր Աստծուն քո ամբողջ սրտով, քո ամբողջ հոգով, քո ամբողջ մտքով եւ քո ամբողջ զօրութեամբ» (Մարկ. 12։30)։ Եհովայի հանդեպ տածած մեր մեծ սերը մենք ցույց ենք տալիս, երբ օգտագործում ենք բոլոր հնարավոր առիթները Թագավորության գործը առաջ տանելու համար։ Քննարկենք ծառայությունն ընդարձակելու հետևյալ կերպերը։

³ Կրիր պատասխանատվություններդ։ Եղբայրները կարող են ձգտել նախ ծառայողական օգնական, ապա՝ երեց դառնալու։ «Դիտարան» ամսագրի 1990 թ. նոյեմբերի 1–ի համարում զետեղված նյութերը՝ «Դուք Անոր կը Ցանկա՞ք» և «Ծառայելու Համար Որակելի՞ Էք», մղիչ ուժ են հանդիսացել շատ եղբայրների համար՝ ժողովում պատասխանատվություններ վերցնելու։ Ժողովի երեցներից խորհուրդ հարցրու՝ ինչպես ընդարձակել ծառայությունդ և որակելի լինել։

⁴ Ամուրի երեցներին ու ծառայողական օգնականներին խորհուրդ է տրվում լրջորեն խորհել Ծառայության կատարելագործման դպրոցում սովորելու շուրջը։ Կարող ես ինքնուրույն ծանոթանալ այդ դպրոցին՝ կարդալով «Արթնացե՛ք» ամսագրի 1998 թ. սեպտեմբերի 8–ի համարում տպագրված «Ծառայության կատարելագործման դպրոցի առաջին դասարանը Ռուսաստանում» հոդվածը (ռուս.)։ Գիտակցո՞ւմ ես արդյոք, որ քո առջև ‘աշխատանքի մեծ դուռ’ է բացված (Ա Կորնթ. 16։9 ա)։ Այդ «դռնով անցած» շատ եղբայրներ երբեք չեն պատկերացրել, թե ծառայության մեջ ինչպիսի առանձնաշնորհումներ են սպասում իրենց այդ դպրոցում սովորելուց հետո։ Այսօր նրանք ուրախությամբ ծառայում են Բեթելում կամ մասնակցում են դաշտի ծառայությանը որպես հատուկ ռահվիրաներ, միսիոներներ կամ շրջանային վերակացուներ։

⁵ Ձգտիր լիաժամ ծառայության։ Դպրոցից հետո շրջանավարտները, տնային տնտեսուհիները և թոշակառուները պետք է լրջորեն խորհեն ռահվիրայական ծառայության շուրջ։ Քննարկիր «Մեր թագավորական ծառայությունը» թերթիկի 1998 թ. հուլիսի համարը, ապա զրուցիր այն ռահվիրաների հետ, որոնց հանգամանքները նման են եղել քո կյանքի ներկա իրավիճակին։ Գուցե դա դրդի քեզ ընդարձակել ծառայությունդ, որպեսզի նրանց պես ռահվիրայություն վերցնես (Ա Կորնթ. 11։1)։ Ի՞նչ է հարկավոր անել քեզ, որպեսզի ամսական 70 ժամ տրամադրես և այդպիսով ծառայես որպես ընդհանուր ռահվիրա։

⁶ Ներկայումս ամբողջ աշխարհում ավելի քան 17 000 եղբայրներ և քույրեր ծառայում են Ընկերության մասնաճյուղերում և Բեթելի տներում։ Բեթելի ծառայության մասին ավելի շատ տեղեկություն կարող եք ստանալ «Դիտարան» ամսագրի 1997 թ. նոյեմբերի 1–ի համարից, էջ 8 և «Մեր ծառայությունը» գրքից, էջ 116 (ռուս.)։ Ամեն տարի նահանգային համաժողովին հանդիպում է անցկացվում Բեթելում ծառայել ցանկացողների հետ։ Դու էլ կարող ես զրուցել ձեր շրջանային վերակացուի հետ և տեսնել, թե որակելի՞ ես արդյոք Բեթելում ծառայելու հիանալի առանձնաշնորհման համար։

⁷ Ծառայիր այնտեղ, որտեղ ավելի մեծ պահանջ կա։ Ապրո՞ւմ ես արդյոք մի վայրում, որտեղ տարածքը բավականին հաճախակի է քարոզվում կամ որտեղ կան շատ եղբայրներ, որոնք կրում են ժողովի պարտականությունները։ Մտածե՞լ ես արդյոք, որ կարող ես ընդարձակել ծառայությունդ՝ տեղափոխվելով այնտեղ, ուր ավելի շատ պահանջ կա։ Միգուցե ի վիճակի լինես տեղափոխվել մոտակա գյուղական շրջանը, որտեղ ավելի շատ ծառայողների կարիք է զգացվում (Մատթ. 9։37, 38)։ Սակայն նման որոշումը չպետք է հապճեպորեն կայացվի։ Պետք է աղոթքով խորհել այս հարցի շուրջը (Ղուկ. 14։28—30)։ Երեցների և շրջանային վերակացուի հետ քննիր հանգամանքներդ։ Նրանք կխորհրդածեն քեզ հետ միասին տեսնելու, թե արդյոք հիմա իմաստուն կլինի՞ քո տեղափոխությունը, թե հարկավոր է սպասել որևէ ժամանակ։ Եթե ցանկանում ես խորհուրդ հարցնել Կրոնական կազմակերպությանը, թե ուր կարելի է տեղափոխվել, պետք է նամակ գրել և փոխանցել այն ժողովի Ծառայողական կոմիտեին, որն էլ կկցի իր նամակը, և երկու նամակները միասին կուղարկվեն Կրոնական կազմակերպություն։

⁸ Բարձրացրու ծառայությանդ որակը։ Հավանաբար, բոլորս էլ կարող ենք լիովին մասնակցություն բերել ծառայության մեջ՝ բարձրացնելով մեր ծառայության որակը։ Մասնակցո՞ւմ ես արդյոք բոլոր միջոցառումներին, ինչպես օրինակ, տնից տուն ծառայությանը կամ ոչ պաշտոնական վկայությանը, կրկնակի այցելություններ կատարո՞ւմ ես կամ Աստվածաշնչի ուսումնասիրություններ անցկացնո՞ւմ ես։ Եթե Աստվածաշնչի ուսումնասիրություն ես անցկացնում, կարո՞ղ ես արդյոք կատարելագործել ուսուցանելու հմտությունը։ Օգտակար կլինի կարդալ «Մեր թագավորական ծառայությունը» թերթիկի 1996 թ. հունիսի համարի ներդիրը, որտեղ տրվում են խորհուրդներ, որոնք կարող ես գործածել աշակերտներիդ նվիրման ու մկրտության մղելու համար։

⁹ Ծառայությունն ընդարձակելու և բարելավելու ավելի շատ կերպեր են քննարկվում «Կազմակերպված ենք կատարելու մեր ծառայությունը» գրքի 9–րդ գլխում։ Ինչ խոսք, բոլորս էլ ցանկանում ենք հնարավոր ամեն բան անել Աստծուն ծառայելու համար։ Ինչո՞ւ լրջորեն չխորհել հոգևոր նպատակների շուրջը։ Դրա համար հետևիր Ա Տիմոթէոս 4։15–ի հորդորին. «Այդ բանի վրայ մտածի՛ր եւ յարատեւի՛ր դրանում, որպէսզի քո առաջադիմութիւնը յայտնի լինի բոլորին»։