Ինչպե՞ս զարգացնել դատելու ունակությունը

¹ «Դատել» բառի սահմանումներից մեկն է՝ «եզրակացություն անել, դատողություն անել, կշռադատել»։ Ծառայության մեջ ավելի արդյունավետ լինելու համար պետք է զարգացնես քեզ հանդիպող մարդկանց հետ դատելու ունակությունդ (Գործք 17։2—4)։ Իսկ այդ հարցում ինչպե՞ս կարող ես հաջողության հասնել։

² Սկզբում՝ խորհրդածել։ Աստվածաշնչի ճշմարտություններն ուսումնասիրելիս օգտակար կլինի խորհրդածել նյութի շուրջը։ Երբ նյութի ինչ–​որ մաս քեզ փոքր–​ինչ բարդ է թվում, ժամանակ հատկացրու, որպեսզի առաջացած հարցերի պատասխանները գտնելու համար որոշ հետազոտություն կատարես և նաև խորհրդածես։ Աշխատիր հասկանալ ոչ միայն տրված բացատրությունները, այլև դրանք հաստատող սուրբգրային հիմքերը։

³ Անհրաժեշտ է պատրաստվել ծառայությանը։ Մտածիր, թե ինչպես կարող ես ճշմարտությունը հաղորդել տարբեր կարգի մարդկանց։ Հետաքրքրություն առաջացնելու համար կազմիր մտածելու տեղիք տվող որևէ հարց, ապա փորձիր այդ հարցը կապել սուրբգրային համապատասխան որևէ համարի հետ և խորհիր դրա շուրջը։ Ձևակերպիր հնարավոր առարկություններ և մտածիր, թե ինչպես կարող ես պատասխանել դրանց։ Առաջարկվելիք գրականության մեջ առանձնացրու մի ուշագրավ միտք, որը կարելի է լավագույն կերպով միացնել քննարկմանը։

⁴ Հետևիր Հիսուսի օրինակին։ Հիսուսը Սուրբ գրությունների հիման վրա արդյունավետ կերպով դատելու հիանալի օրինակ թողեց։ Նրա ուսուցանելու կերպը վերլուծելու համար քննարկենք Ղուկաս 10։25—37–ի արձանագրությունը։ Ուշադրություն դարձրու հետևյալ ընթացքին. 1) Մարդկանց հարցերին պատասխանելիս կենտրոնացիր Գրությունների վրա։ 2) Թույլ տուր նրանց արտահայտվել կարդացածի վերաբերյալ և գովեստի խոսքեր ուղղիր նրանց իրենց խորիմաստ մեկնաբանությունների համար։ 3) Համոզվիր, որ հարցի ու սուրբգրային համարի միջև եղած կապը բացահայտ է։ 4) Մի սրտաշարժ օրինակ բեր, որը կօգնի քեզ տեսնել, թե անհատը որքանով է ըմբռնել պատասխանի բուն իմաստը։ (Տես «Դիտարան» պարբերագրի 1986 թ. օգոստոսի 1–ի համարը, էջ 18, 19, պարբ. 8—10, ռուս.)։

⁵ Գործածիր ընձեռված միջոցները։ «Ինչպես վարել Աստվածաշնչի թեմայով զրույցը» գրքույկը հրատարակվել է ծառայության մեջ օգնելու նպատակով։ Նրանում տրված մատուցումները և առարկությունների դեպքում առաջարկված պատասխանները օգնում են մեզ տիրապետել դատելու ունակությանը։ Այս գրքույկը թանկարժեք միջոց է մեզ համար, ուստի պետք է աշխատենք ծառայության ժամանակ միշտ ունենալ մեզ հետ։ Երբեք չպետք է խուսափենք գրքույկում մատուցումները և առարկություններին տրված պատասխանները գործածելուց։

⁶ Դատելու ունակությանը տիրապետելով՝ կկատարելագործես քարոզելու և ուսուցանելու հմտությունդ։ Արդյունքում՝ մեծ օրհնություններ կստանաք և՛ դու, և՛ ծառայության ժամանակ քեզ հանդիպող մարդիկ։