Եհովայի վկաների 2002 թ. «Թագավորության եռանդուն քարոզիչները» մարզային համաժողովը

¹ «Ես ուրախ եղայ երբոր ասեցին ինձ, թէ Տիրոջ տունը գնանք» (Սաղ. 122։1)։ Խորհելով սաղմոսերգուի խոսքերի շուրջ՝ ուշադրություն դարձրու 1) նրա զգացումների վրա, երբ նրան առաջարկեցին միասին գնալ Եհովայի տաճարը, 2) նրան հրավիրող ընկերների վրա, որոնք նույնպես բարձր էին գնահատում ճշմարիտ երկրպագությունը և 3) այն նախապատրաստությունների վրա, որոնք հարկավոր էր ձեռնարկել ծանոթներին հրավիրելու, միասին հավաքվելու և դեպի Աստծո տուն ճանապարհորդություն կատարելու համար։

² Սաղմոսերգուի պես մեր մեջ էլ չե՞ն առաջանում նման զգացումներ, երբ լսում ենք մեր հաջորդ համաժողովի նախապատրաստությունների մասին. իհա՛րկե։ Երբ հիշում ենք նախորդ համաժողովների հետ կապված ուրախ պահերը և մտածում Եհովային սիրող մեր հավատակիցների հետ հատուկ հանդիպմանը կրկին ներկա գտնվելու մասին, նոր ակնկալիքներով ենք լցվում։ 2002 թ.–ին Բելոռուսում, Ղազախստանում, Ղրղստանում, Ռուսաստանում, Վրաստանում և Տաջիկստանում նախատեսվում է անցկացնել «Թագավորության եռանդուն քարոզիչները» եռօրյա մարզային համաժողովները։ Ժամանակն է համաժողով այցելելու նախապատրաստությունները տեսնել, որպեսզի առաջիկա հոգևոր խնջույքից առավելագույն օգուտները ստանանք։

³ «Հաւատարիմ եւ իմաստուն տնտեսն» արդեն սկսել է ժամանակահարմար հոգևոր ուտեստեղենի նախապատրաստությունները, որոնք «մատուցելու է» համաժողովի ժամանակ (Ղուկ. 12։42)։ Որպեսզի համաժողովի ժամանակ բոլորին տեղերը բավականացնեն և մոտակա հյուրանոցներում կուտակումներ չառաջանան, յուրաքանչյուր ժողով հրավիրվել է որոշակի համաժողովի։ Բացի այդ, բազում եղբայրներ արդեն սկսել են կազմակերպել համաժողովի տարբեր բաժինների աշխատանքները, որպեսզի «ամէն ինչը պարկեշտութեամբ եւ ըստ կարգի.... լինի» (Ա Կորնթ. 14։40)։ Քանի որ մեր օգտի և հարմարության համար այսքան աշխատանք է տարվում, ի՞նչ կարող է մեզանից յուրաքանչյուրն իր հերթին անել՝ նախապատրաստվելու համաժողովին։

⁴ Արդեն այսօր պլանավորեք ներկա գտնվել բոլոր երեք օրերին։ Քեզ հարկավո՞ր է աշխատանքից բացակայելու թույլտվություն խնդրել, որպեսզի քո ժողովի հետ միասին ներկա գտնվես համաժողովի ողջ ծրագրի ընթացքում։ Եհովան գիտի, որ որոշ գործատերերի «դժվար է հաճեցնել» (Ա Պետ. 2։18, ՆԱ)։ Սակայն մեր համաժողովները շատ կարևոր են, և մենք ցանկանում ենք ջանք թափել, որպեսզի ներկա գտնվենք ողջ ծրագրի ընթացքում։ Այդ նպատակին հասնելու համար աղոթիր Եհովային և խնդրիր նրա առաջնորդությունը (Նէեմ. 2։4)։

⁵ Կացարաններում տեղավորվելու հարցը պլանավորելիս օգտվեք «Առաջարկվող կացարանների ցուցակից»։ Շուտով ձեր ժողովը կստանա ձեր համաժողովի համար «Առաջարկվող կացարանների ցուցակը»։ Կացարան պատվիրելիս կետ առ կետ հետևեք 4–րդ էջի շրջանակի հրահանգներին։

⁶ Այն քարոզիչների համար, ում ֆինանսական հնարավորությունները սուղ են, բնակարանային բաժինը հատուկ պայմանավորվում է հանրակացարանների և համապատասխան այլ կացարանների ղեկավարության հետ ավելի ցածր գների համար։ Միայն հայտեր ստանալուց հետո բնակարանային բաժինը կարող է գրավոր պայմանագիր կնքել կացարան ստանալու համար։ Եթե պլանավորում եք այլ քաղաքում անցկացվող համաժողով այցելել, հարկավոր է ստանալ տվյալ համաժողովի համար «Առաջարկվող կացարանների ցուցակը»։ Ժողովի քարտուղարը ձեզ կարող է տալ տվյալ համաժողովի գրասենյակի հասցեն, որը տպված է «Կացարանի հայտ հատուկ կարիքներ ունեցողների համար» ձևի հետևում։ Այդ հասցեով հարցում արեք՝ նամակում դնելով ծրար՝ փակցված նամականիշով և հետադարձ հասցեով։ Եթե այդ քաղաքում մի քանի համաժողովներ են անցկացվում, անպայման նշեք այն համաժողովի ամսաթիվը, որին

⁷ Ցանկացած դժվարությունների դեպքում ժողովի քարտուղարի միջոցով դիմեք բնակարանային բաժին։ (Նախքան ժողովի քարտուղարին տեղեկացնելը, որ «Առաջարկվող կացարանների ցուցակում» գտնվող հյուրանոցներում տեղ չկա, համոզվեք, որ զանգահարել եք ցուցակում գտնվող բոլոր հյուրանոցները։) Ձեր համաժողովի բնակարանային բաժնի հասցեն և հեռախոսահամարը կարելի է գտնել «Առաջարկվող կացարանների ցուցակի» առաջին էջի վերևի մասում։

⁸ Տեղեկացեք ժողովի կարիքների մասին։ Եթե գիտենք եղբոր կամ քրոջ, ովքեր ֆիզիկական սահմանափակումներ կամ ֆինանսական դժվարություններ ունեն, ինչը և կարող է խոչընդոտ հանդիսանալ, որպեսզի նրանք այցելեն համաժողով, ապա չե՞նք կարող ‘լայնորեն բաց անել մեր սրտերը’ և ինչ–​որ կերպ օգնել նրանց (Բ Կորնթ. 6։12, 13; Բ Օրին. 15։7)։ Բ Կորնթացիս 8։14–ում Պողոս առաքյալը խրախուսում էր հենց այդպիսի ոգի ցուցաբերել։ Ինչո՞ւ նրանց չառաջարկել միասին գնալ համաժողով։ Եթե նրանք ռահվիրաներ են, անկասկած, ճանապարհին կարող են պատմել շատ հետաքրքիր դեպքեր ծառայությունից։ Եթե ժողովի տարեց անդամներ են, կարող են պատմել իրենց աստվածապետական կենսագրությունը, որը դուք գուցե երբեք չեք լսել։ Շփումը այդպիսի քույր–​եղբայրների հետ արդյոք բարերար ազդեցություն չի՞ գործի ձեր ընտանիքի վրա։ Նրանք երախտապարտ կլինեն ձեր առատաձեռնության համար, իսկ Եհովան կպարգևատրի ձեզ (Առակ. 28։27; Մատթ. 10։42)։

⁹ Թեպետ հատուկ կարիքներ ունեցողների մասին գլխավորապես հոգ են տանում իրենց քիստոնյա բարեկամները, երեցներն ու ժողովի մյուս անդամները՝ իմանալով այդպիսի քարոզիչների հանգամանքների մասին, սրտանց կարող են հարկ եղած օգնությունն առաջարկել (Ա Տիմոթ. 5։4)։ Նախքան «Կացարանի հայտ հատուկ կարիքներ ունեցողների համար» ձևերը բնակարանային բաժին ուղարկելը՝ ժողովի Ծառայողական կոմիտեն պետք է համոզվի, որ բոլոր քարոզիչները, ովքեր հայտ են ներկայացրել, համապատասխանում են պահանջներին։ Ժողովի քարտուղարը պետք է այդ ձևերում նշի իր հեռախոսահամարը, որպեսզի անհրաժեշտության դեպքում բնակարանային բաժինը կապ հաստատի նրա հետ։ Հաստատված հայտերը հարկավոր է ուղարկել համաժողովի հասցեով, որը նշված է ձևի հակառակ կողմում։

¹⁰ Ծառայեք որպես կամավոր։ Համաժողովի ժամանակ բոլոր բաժինների անխափան աշխատանքն ապահովում են հարյուրավոր կամավորներ։ Կարգադրիչները, որոնք ծառայում են սրահում և ավտոկայաններում, օգնում են բոլորին նստելու տեղ գտնել և ծրագրի ժամանակ հետևում են մեր մեքենաներին։ Մաքրությամբ զբաղվող բաժինը բարձր է պահում մեր բարի անունը՝ ապացուցելով, որ մաքրասեր մարդիկ ենք. բաժինը մեր երկրպագության ժամանակավոր վայրը մեզանից հետո ավելի մաքուր է թողնում, քան նախքան համաժողովն էր։ Կարո՞ղ ենք աջակցել այս կամ մյուս այն բաժիններին, որտեղ մեր կարիքը կզգացվի։ Կառաջարկե՞ս քո օգնությունը, որպեսզի եղբայրներիդ հետ «մէկ սրտով» ծառայես (Սոփ. 3։9, Արևմտ. Աստ.)։

¹¹ Ակնհա՞յտ են մեր գործերը մարդկանց համար։ Հյուրանոցներից մեկում, որտեղ մեր եղբայրներն անցյալ տարվա մարզային համաժողովի ժամանակ օթևանել էին, աշխատում էր մի մարդ, որը 20 տարի առաջ դադարեցրել էր Աստվածաշնչի իր ուսումնասիրությունը Եհովայի վկաների հետ։ Նա եղբայրներին ասաց, որ այժմ մտածում է այն մասին, որպեսզի վերսկսի իր ուսումնասիրությունն ու նորից հաճախի ժողովի հանդիպումներին։ Ի՞նչը ազդեց նրա վրա. այդ հյուրանոցում ապրող Եհովայի վկաների հոգատարությամբ լի վերաբերմունքը։

¹² Հյուրանոցի վաճառողներից մեկն ասաց եղբայրներին. «Դուք մեր հյուրերի հետ համեմատած ամենալավ խումբն եք։ Ձերոնք այնքա՜ն համբերատար ու սիրալիր են»։ Որքա՜ն է մեզանով հպարտանում մեր երկնային Հայրը՝ տեսնելով, որ հետևում ենք Հիսուսի կոչին. «Թող այդպէս փայլի ձեր լոյսը մարդկանց առաջ, որպէսզի տեսնեն ձեր բարի գործերն ու փառաւորեն ձեր Հօրը, որ երկնքում է» (Մատթ. 5։16)։

¹³ Եկեք ցուցաբերենք այնպիսի ոգի, ինչպիսին Դավիթ թագավորն ուներ, որն ուրախությամբ ակնկալում էր գնալ Եհովայի երկրպագության տունը։ Մեր մարզային համաժողովները հոգևոր սննդի կենսական աղբյուր ու մտերմիկ ընկերակցության բացառիկ հնարավորություն են հանդիսանում։ Այդ պատճառով մենք ուրախությամբ առաջարկում ենք ձեզ սկսել նախապատրաստությունները՝ այցելելու այս տարվա «Թագավորության եռանդուն քարոզիչները» մարզային համաժողովի բոլոր երեք օրվա ծրագրի բոլոր մասերին։

[Հավելված 3–րդ էջի վրա]

Ծրագրի ժամանակը

Ուրբաթ և շաբաթ

9։30–17։00

Կիրակի

9։30–16։00

[Շրջանակ 4–րդ էջի վրա]

Ինչպես համար պատվիրել հյուրանոցում

1. Հյուրանոցներ զանգահարեք որքան հնարավոր է շուտ և աշխատանքային ժամերին՝ օգտվելով «Առաջարկվող կացարանների ցուցակում» տրված հեռախոսահամարներից։

2. Հյուրանոցի աշխատողներին հայտնեք, որ դուք այցելելու եք Եհովայի վկաների համաժողովը։

3. Տեղեկացրեք, թե որ օրերին եք ապրելու հյուրանոցում։

4. Համոզվեք, որ կացարանի համար վճարը համապատասխանում է «Առաջարկվող կացարանների ցուցակի» գնին։ Մի համաձայնվեք ավելի բարձր գին վճարել։

Խնդրում ենք

◼ Օգտվել միայն այն հյուրանոցներից, որոնք նշված են «Առաջարկվող կացարանների ցուցակում»։

◼ Պատվիրեք միայն այն կացարանը, որից իրոք օգտվելու եք։

◼ Մի փոխեք ձեր սկզբնական պատվերը։

Ինչպես հայտ ներկայացնել հատուկ կարիքներ ունեցողների համար

1. Կացարանի համար հայտեր մի ներկայացրեք զուտ նամակով, հեռախոսով կամ այլ նման ձևով։

2. Խնամքով լրացրեք «Կացարանի հայտ հատուկ կարիքներ ունեցողների համար» ձևը։

3. Հայտը անմիջապես լրացրեք, երբ ժողովում հայտարարեն նամակի և «Առաջարկվող կացարանների ցուցակի» ստանալու մասին։

4. Հիշեք, որ բոլոր ծախսերը պետք է ինքներդ հոգաք։

5. Կողմնորոշվեք կացարանի այն գներով, որոնք նշված են «Առաջարկվող կացարանների ցուցակում»։