Ճիշտ ժամանակին տրվող հոգևոր կերակուրը
1. Ինչպե՞ս են այսօր կատարվում Եզեկիէլ 36։29–ում արձանագրված խոսքերը։
1 «Պիտի կանչեմ ցորենը եւ շատացնեմ նորան. եւ ձեզ վերայ սով պիտի չ’բերեմ»։ Ահա այսպիսի խոսքեր է ասել Գերիշխան Տեր Եհովան (Եզեկ. 36։29)։ Այդ մարգարեական խոսքերը կիրառելի են Աստծո ժողովրդի համար այսօր։ Եհովան այնպես է արել, որ իր ժողովուրդը, փոխաբերական լեզվով ասած, առատ ցորեն է ունեցել, որ անչափ կարևոր է կյանքի համար։ Մարզային համաժողովների միջոցով ժամանակին տրվող հոգևոր սնունդը հստակ ցույց է տալիս այդ իրողությունը։
2. Ինչպե՞ս է Եհովան գործածել մարզային համաժողովները, որպեսզի ճիշտ ժամանակին հոգևոր կերակուր տա մեզ։
2 1931 թ.–ին Կոլումբուսում (Օհայո) անցկացված համաժողովի ժամանակ Եհովան իր երկրպագուներին առաջնորդություն տվեց նոր անուն ընդունելու՝ Եհովայի վկաներ (Ես. 43։10–12)։ 1935–ին հստակորեն հաստատվեց մեծ բազմության ինքնությունը, որի մասին նշվում է Յայտնութիւն 7։9–17 համարներում։ 1942–ին եղբայր Նորը հանդես եկավ «Խաղաղություն. կարո՞ղ է այն շարունակվել» ելույթով, որը զարկ տվեց համաշխարհային քարոզչական գործին և նպաստեց «Դիտարանի» աստվածաշնչյան «Գաղաադ» դպրոցի հիմնադրմանը։ Թեև որոշ համաժողովներ մյուսներից ավելի են հիշվում, սակայն նրանցից ամեն մեկն էլ ճիշտ ժամանակին տրված սննդարար հոգևոր կերակուրով ծանրացած «սեղան» է եղել (Սաղ. 23։5; Մատթ. 24։45)։
3. Ի՞նչ պետք է անենք, որպեսզի օգուտներ քաղենք մարզային համաժողովի հոգևոր խնջույքից։
3 Լա՞վ ես սնվում։ Հնարավոր է լինել ուտելիքի առատության մեջ, բայց թերի սնվել, եթե ջանք չգործադրվի ուտելու համար (Առակ. 26։15)։ Նույնն է պարագան հոգևորապես սնվելու դեպքում։ Մի քանի համաժողովների ժամանակ նկատվել է, որ շատերը, առանց անհրաժեշտության, շրջում են միջանցքներում կամ ծրագրի ժամանակ խոսում են մյուսների հետ։ Ինչ խոսք, ոգևորիչ շփումը համաժողովի կարևոր մասերից է, սակայն դա պետք է անել ծրագրի յուրաքանչյուր մասից առաջ և հետո (Ժող. 3։1, 7)։ Եթե մենք նստած չենք մեր տեղերում և ուշադրությամբ չենք լսում ծրագիրը, գուցե ինչ–որ կարևոր միտք բաց թողնենք։ Համաժողովի բաժինների վերակացուները և տարբեր նշանակումներ ունեցող եղբայրները որոշ դեպքերում գուցե քննարկեն հարցեր, որոնք առնչվում են համաժողովի հետ, մինչ ծրագիրն ընթացքի մեջ է։ Այլ դեպքերում այս եղբայրները պետք է օրինակ ծառայեն մյուսների համար ծրագիրը ուշադրությամբ լսելու հարցում։ Մեզանից ոչ ոք չպետք է բաց թողնի մատուցվող հոգևոր կերակուրից և ոչ մի մաս (Ա Կորնթ. 10։12; Փիլիպ. 2։12)։
4. Ինչպե՞ս կարող ենք ցույց տալ, որ շնորհակալ ենք Եհովայի տված առատ հոգևոր կերակուրի համար։
4 Որքա՜ն ուրախ ենք այն առատ հոգևոր ճշմարտություններն ունենալու համար, որ տալիս է մեզ Եհովան։ Իսկ դրանք ճիշտ հակառակն են քրիստոնեական աշխարհի կեղծ ուսմունքների (Ես. 65։13, 14)։ Մի միջոցը, որով կարող ենք ‘գոհացող լինել’, այն է, որ մարզային համաժողովին վերաբերվենք որպես Եհովայի կողմից ուսուցանվելու հնարավորության (Կող. 3։15)։ Ուշադրությունդ կենտրոնացրու ելույթի վրա, ոչ թե հռետորի, և մատուցվող մտքերը ընդունիր որպես մեր «Մեծ Խրատողի[ց]» (ՆԱ) տրված ուսուցում (Ես. 30։20, 21; 54։13)։ Շատ ուշադիր եղիր։ Հակիրճ նշիր գլխավոր մտքերը։ Ամեն օր երեկոյան կրկնիր դրանք։ Կիրառիր սովորածդ։
5. Ուրախության ի՞նչ պատճառներ են տալիս մեզ մարզային համաժողովները։
5 Արմագեդոնից առաջ տեղի ունեցող յուրաքանչյուր համաժողով՝ անկախ նրանից, որտեղ է այն անցկացվում՝ փախստականների ճամբարում, պատերազմական երկրում թե ավելի մեծ, խաղաղ վայրում, իսկական հաղթանակ է Սատանայի դեմ։ Որպես միավորված եղբայրություն՝ մենք գնահատում ենք մարզային համաժողովներին հավաքվելու հնարավորությունը (Եզեկ. 36։38)։ Մենք համոզված ենք, որ մեկ անգամ ևս Եհովան սիրալիր կերպով մեզ «կերակուրը [կ]տայ ժամանակին» (Ղուկ. 12։42)։
[Շրջանակ 4–րդ էջի վրա]
Երախտագիտություն ցույց տուր Եհովայի սեղանի համար
◼ Շատ ուշադիր եղիր
◼ Նշիր գլխավոր մտքերը
◼ Ամեն երեկո կրկնիր ծրագրի հիմնական մտքերը
◼ Կիրառիր սովորածդ