Տեսաֆիլմեր՝ թվային տեսասկավառակի վրա
«Բուժման մեթոդներ՝ առանց արյան փոխներարկման. վավերագրական նյութեր» անվանումը կրող թվային տեսասկավառակն ընդգրկում է երեք տեսաֆիլմեր։ «Բուժման այլընտրանքային մեթոդներ՝ առանց արյան փոխներարկման. պարզ, ապահով, արդյունավետ» տեսաֆիլմը նախատեսված է բժիշկների ու բժշկական ուսումնական հաստատություններում սովորողների համար, ուստի մյուս երկուսի համեմատությամբ վիրահատության ավելի շատ տեսարաններ է ընդգրկում։ «Բուժում՝ առանց արյան փոխներարկման. հաշվի են առնվում հիվանդի կարիքներն ու իրավունքները» տեսաֆիլմը նախատեսված է հատկապես բժշկության բնագավառի պաշտոնատար անձանց ու լրագրողների, սոցիալական ու դատական բնագավառների աշխատողների համար։ Տեսաֆիլմում քննարկվում է, թե ինչպես հոգալ հիվանդի բուժական կարիքները՝ միաժամանակ հաշվի առնելով նրա օրինական իրավունքները։ «Արյուն՝ ոչ մի դեպքում. բժշկությունն ընդառաջում է» տեսաֆիլմը նախատեսված է հիմնականում հասարակության լայն շրջանների համար։ Թվային տեսասկավառակում այդ տեսաֆիլմերը անգլերեն լեզվով են, սակայն կան լրացուցիչ ձայնային շավիղներ գերմաներեն, իսպաներեն, իտալերեն, ճապոներեն, պորտուգալերեն (բրազիլական), ռուսերեն և ֆրանսերեն լեզուներով։ Կարող ես տեսասկավառակն ազատորեն առաջարկել քո բժշկին, Աստվածաշունչ ուսումնասիրողներին, ոչ վկա կողակցիդ, ազգականներիդ, ուսուցիչներիդ, աշխատակիցներիդ ու դպրոցակիցներիդ։