Ձգտենք ավելին անել մեր ծառայության մեջ
1 Պողոս առաքյալը հորդորեց քրիստոնյաներին քայլել Աստծու ճանապարհով և «շարունակել ավելի լիարժեք կերպով դա անել» (1 Թեսաղ. 4։1)։ Ինչպե՞ս է դա վերաբերում մեզ։ Մենք պետք է շարունակ ձգտենք կերպեր փնտրել ընդլայնելու մեր հոգևոր գործունեությունը՝ միշտ ջանալով «ամբողջովին կատարել մեր ծառայությունը» (2 Տիմոթ. 4։5)։
2 Մղումները։ Մեր Ստեղծչին ավելի լիարժեքորեն ծառայելու մեր ցանկությունը մղում է մեզ ավելին անելու ծառայության մեջ։ Մենք ուզում ենք աճել հոգևորապես և կերպեր փնտրել բարելավելու մեր ծառայությունը։ Ունենալով ճիշտ մղումներ և հետևելով լավ գրաֆիկի՝ մենք կկարողանանք հասնել մեր հոգևոր նպատակներին (Սաղ. 1։1, 2; Փիլիպ. 4։6; Եբր. 10։24, 25)։
3 Մեր ծառայությունն ընդլայնելու համար մենք պետք է զարգացնենք առատաձեռնություն և անձնազոհություն։ Այսպիսի ոգի կարող ենք զարգացնել, եթե աղոթքով խորհրդածենք Հիսուսի հիանալի օրինակ շուրջ (Մատթ. 20։28)։ Հիսուսը մեծ ուրախություն էր ստանում ուրիշներին ծառայելուց (Գործեր 20։35)։ Մենք կարող ենք ընդօրինակել Հիսուսին՝ անհատական հետաքրքրություն ցուցաբերելով մարդկանց նկատմամբ և պատրաստ լինելով ամեն առիթ օգտագործելու, որպեսզի ավելին անենք մեր ծառայության մեջ (Ես. 6։8)։
4 Ծնողների դերը։ Ուրիշներին ծառայելու և ծառայությունն ընդլայնելու ցանկությունը երեխաների մեջ կարելի է սերմանել դեռ վաղ տարիքից։ Երեխաները կնկատեն իրենց ընտանիքի անդամների ջանասիրությունը և ծառայությունն ընդլայնելու նրանց ջանքերը։ Մի եղբայր փոքր հասակից մղվել էր ավելին անելու իր ծառայության մեջ, ինչը եղել էր իր պապի հետ ժողովի հետ կապված գործերին մասնակցելու արդյունքը։ Իր պապի ջանասիրությունն ու ուրախությունը տեսնելով՝ նա սկսեց հնարավորություններ փնտրել իր եղբայրներին ծառայելու համար։ Այժմ նա ծառայում է որպես ծառայող օգնական։
5 Եղբայրների կարիք կա։ «Եթե որևէ մեկը ձգտում է վերակացուի պարտականության, լավ գործի է ձգտում» (1 Տիմոթ. 3։1)։ Այս խոսքերը խրախուսում են եղբայրներին ձգտելու համապատասխանել որոշակի պահանջների, որպեսզի լրացուցիչ առանձնաշնորհումներ ունենան Եհովայի կազմակերպության մեջ։ Դա չի նշանակում, որ նրանք պետք է հատուկ ունակություններ կամ կարողություններ ունենան։ Այն եղբայրը, որը ձգտում է ավելին անել ծառայության մեջ, պետք է Թագավորության շահերն իր կյանքում առաջին տեղում դնի և նախանձախնդրաբար մասնակցի ծառայությանը (Մատթ. 6։33; 2 Տիմոթ. 4։5)։ Նա կջանա լավ օրինակ լինել ուրիշների համար։
6 Ամբողջ աշխարհում։ Եհովան արագացնում է մարդկանց հավաքելու գործը (Ես. 60։22)։ Շատ կարևոր է, որ բոլոր նրանք, ովքեր ընդօրինակում են Հիսուսին, ձգտեն ավելին անել իրենց ծառայության մեջ։ 2006 թ. ծառայողական տարվա համաշխարհային հաշվետվությունը ցույց է տալիս, որ մկրտվել են 248 327 անհատներ։ Դա նշանակում է, որ ամեն օր միջին հաշվով ավելի քան 680 մարդ է մկրտվել։ Եկեք շարունակենք կերպեր փնտրել ավելին անելու մեր ծառայության մեջ։