Հիշեցումներ Հիշատակի երեկոյի վերաբերյալ
Մեզ համար մեծ պատիվ է մասնակցել Հիշատակի երեկոյի կազմակերպչական գործերին (Ղուկաս 22։19)։ Ի՞նչ պետք է անենք։
◼ Ժամը և վայրը։ Բոլորին պետք է տեղեկացնել Երեկոյի ճիշտ ժամի և անցկացման վայրի մասին։ Եթե մի քանի ժողովներ օգտվում են միևնույն Թագավորության սրահից, հարկավոր է ժամանակին գալ և շուտ հեռանալ սրահից, քանի որ հանդիպումների միջև քիչ ժամանակ է մնում։ Նաև պետք է հստակ պայմանավորվածություն լինի ժողովների միջև, որպեսզի նախասրահում, մուտքի մոտ և մայթերին մարդիկ չխմբվեն, իսկ կայանատեղիներում ավելորդ կուտակումներ չլինեն։
◼ Հրավիրատոմսեր։ Բոլոր քարոզիչները ունե՞ն բավարար քանակությամբ հրավիրատոմսեր։ Ծանո՞թ են բովանդակությանը։ Գիտե՞ն, թե ինչպես պետք է առաջարկել այն։ Իսկ ո՞ւմ են առաջարկելու։ Հարկավոր է բաժանել բոլոր հրավիրատոմսերը։
◼ Փոխադրամիջոց։ Հնարավոր է՝ որոշ հետաքրքրվող անհատներ, եղբայրներ և քույրեր, ովքեր ի վիճակի չեն ներկա գտնվելու Երեկոյին, աջակցության կարիք ունենան։ Ի՞նչ պետք է անի ժողովը նրանց օգնելու համար։
◼ Խորհրդանիշներ։ Խորհրդանիշները մինչև մայրամուտ չպետք է փոխանցվեն։ Հարկավոր է նաև հոգ տանել, որ այն օծյալները, որոնք հիվանդ են և չեն կարող ներկա գտնվել Երեկոյին, նույնպես օգտվեն խորհրդանիշներից։ Պետք է նախապես պատրաստել անթթխմոր հացը և ձեռք բերել գինին (տե՛ս «Դիտարանի» 2003 թ. փետրվարի 15–ի համարը, էջ 14, 15, պրբ. 14, 17)։
◼ Թագավորության սրահ։ Թագավորության սրահը կամ այն վայրը, որտեղ անցկացվելու է հանդիպումը, պետք է նախապես լավ մաքրել։ Ափսեները, բաժակները, սեղանը և սփռոցը նախօրոք պետք է սրահ բերել և տեղավորել։ Եթե Երեկոն անցկացվում է մեկ ուրիշ վայրում, պետք է հոգ տանել, որ այնտեղ ձայնային սարքավորումներ տեղադրվեն, որպեսզի բոլոր ներկաները կարողանան լսել հռետորին։ Հարկավոր է նախօրոք նշանակել եղբայրներ, որոնք կծառայեն որպես սպասարկուներ և կփոխանցեն խորհրդանիշները։ Պետք է տեղեկացնել նրանց նաև իրենց պարտականությունների, արարողությունը պատշաճ կերպով անցկացնելու կարգի և վայելուչ հագուստ ու արտաքին տեսք ունենալու մասին։
Մենք ցանկանում ենք լավագույնս պատրաստված լինել այս հիշարժան օրվան։ Անշուշտ, Եհովան առատապես կօրհնի բոլոր նրանց, ովքեր սրտանց գնահատում են այն ամենը, ինչ նա արել է մարդկության համար իր սիրելի Որդու՝ Հիսուս Քրիստոսի քավիչ զոհաբերության միջոցով։