Չնչին արժողության երկու մետաղադրամ

Միջոցներից մեկը, որով կարող ենք աջակցել Թագավորության շահերին, համաշխարհային քարոզչական գործի համար նվիրաբերություններ անելն է։ Իսկ եթե մեր միջոցները սահմանափա՞կ են։

Մի անգամ Հիսուսը տեսավ, թե ինչպես է մի այրի կին տաճարի գանձանակի մեջ չնչին արժողության երկու մետաղադրամ գցում։ Եհովայի հանդեպ սե՛րը մղեց նրան դա անելու, ու «թեև չքավոր էր, գցեց այն ամենը, ինչ ուներ՝ իր ողջ ապրուստը» (Մարկ. 12։41–44)։ Այն, որ Հիսուսը խոսեց այդ մասին, ցույց է տալիս, որ այդ կնոջ նվիրաբերությունը մեծ արժեք ուներ Աստծու աչքում։ Առաջին դարի քրիստոնյաները, անկախ այն բանից, հարուստ լինեին, թե աղքատ, նույնպես պատիվ էին համարում հնարավորության սահմաններում քարոզչական գործի համար նվիրաբերություններ անելը։ Պողոս առաքյալը հիշատակեց մակեդոնացիների օրինակը, ովքեր «չնայած ծայրաստիճան աղքատությանը.... բազում աղաչանքներով.... պատիվ ունե[ցան] նվերներ տալու սրբերին» (2 Կորնթ. 8։1–4)։

Ուրեմն, եթե կարող ենք միայն «չնչին արժողության երկու մետաղադրամ» նվիրաբերել, պետք է հիշենք, որ բազմաթիվ փոքրիկ նվիրաբերությունները միասին կարող են մեծ գումար կազմել։ Մեր սրտանց նվիրաբերությունները հաճույք կպատճառեն մեր առատաձեռն երկնային Հորը, որովհետև «Աստված ուրախությամբ տվողին է սիրում» (2 Կորնթ. 9։7)։