Մատուցումներ

Աստվածաշնչի ուսումնասիրություն սկսենք փետրվար ամսվա առաջին շաբաթ օրը

«Շատերը կարծում են, որ Սատանան է կանգնած աշխարհում տիրող չարության հետևում։ Նրանց հետաքրքրում է, թե որտեղից է առաջ եկել Սատանան և արդյոք Աստված է նրան ստեղծել։ Իսկ դուք ի՞նչ եք կարծում։ [Թույլ տուր պատասխանել։] Տեսեք, թե ինչ է այստեղ գրված»։ Ցույց տուր «Դիտարանի» փետրվարի 1-ի համարի վերջին էջի հոդվածը ու քննարկիր առաջին պարբերությունը և նշված աստվածաշնչյան համարը։ Առաջարկիր ամսագիրը և պայմանավորվիր մյուս անգամ քննարկել հաջորդ հարցը։

Դիտարան 1 փետրվար

«Հետաքրքիր է իմանալ ձեր կարծիքը մի մարդու մասին, ով անչափ հարգված է քրիստոնյաների, հրեաների և մուսուլմանների կողմից։ Խոսքը Մովսեսի մասին է։ Ի՞նչ է ձեր միտքը գալիս, երբ լսում եք նրա անունը։ [Թույլ տուր պատասխանել։] Թեև նա որոշ սխալներ է թույլ տվել, սակայն հետաքրքիր է, թե ինչպես է Աստվածաշունչը նկարագրում նրան։ [Կարդա՛ 2 Օրենք 34։10–12։] Այս ամսագրում խոսվում է նրա երեք հատկությունների մասին, և թե ինչպես կարող ենք ընդօրինակել նրան»։

Արթնացե՛ք փետրվար

«Սովորական բան է դարձել, որ այսօր մարդիկ տեղափոխվում են ուրիշ երկիր իրենց կյանքը բարելավվելու համար։ Ձեր կարծիքով՝ նրանք միշտ հասնո՞ւմ են իրենց ուզածին։ [Թույլ տուր պատասխանել։] Ինչ խոսք, սա նոր երևույթ չէ։ Ուշադրություն դարձրեք, որ այս մասին գրված է Աստվածաշնչի հենց առաջին գրքում։ [Կարդա՛ Ծննդոց 46։5, 6։] Այս ամսագրում երեք հարց է քննարկվում»։ Տանտիրոջը ցույց տուր 6-րդ էջի հարցերը։