Ինչո՞ւ ես բարձր գնահատում մաքուր երկրպագությունը

Տաճարի վերաբերյալ Եզեկիելի տեսիլքը քաջալերական էր հրեա գերիների համար, քանի որ նրանց հույս էր տալիս, որ մաքուր երկրպագությունը վերականգնվելու էր։ Այս վերջին օրերում մաքուր երկրպագությունը «հաստատվել է լեռների գագաթներից վեր», և մենք տարբեր ազգերից եկող այն մարդկանց թվում ենք, ովքեր «հորդում են» դեպի մաքուր երկրպագության լեռը (Ես 2։2)։ Կանոնավորաբար խորհրդածո՞ւմ ես այն մասին, թե ինչ մեծ առանձնաշնորհում է Եհովային ճանաչելն ու նրան ծառայելը։

ՄԱՔՈՒՐ ԵՐԿՐՊԱԳՈՒԹՅԱՆ ԲԵՐԱԾ ՕՐՀՆՈՒԹՅՈՒՆՆԵՐԸ

• 

  Առատ հոգևոր սնունդ, որի շնորհիվ ստանում ենք կյանքի կարևոր հարցերի պատասխանները, սովորում ենք գործնական սկզբունքներ կյանքում առաջնորդվելու համար և ձեռք ենք բերում ապագայի ամուր հույս (Ես 48։17, 18; 65։13; Հռ 15։4)

• Համաշխարհային եղբայրություն, որի անդամներն անկեղծորեն սիրում են իրար (Սղ 133։1; Հվ 13։35)

• Առանձնաշնորհում՝ լինելու Աստծու համագործակիցները մեծ ուրախություն պատճառող մի գործում (Գրծ 20։35; 1Կթ 3։9)

• «Աստծու խաղաղությունը», որը զորացնում է մեզ դժվարությունների ժամանակ (Փպ 4։6, 7)

• Մաքուր խիղճ (2Տմ 1։3)

• «Եհովայի հետ մտերմություն» (Սղ 25։14)

Ի՞նչ կերպերով կարող եմ ցույց տալ, որ բարձր եմ գնահատում մաքուր երկրպագությունը։