Ինչպես օգտագործել զրույցների օրինակները

2018 թ. հունվարից սկսած՝ «Մեր քրիստոնեական կյանքը և ծառայությունը» հանդիպման ձեռնարկի առաջին էջում տեղ են գտել զրույցների օրինակներ։ Ինչպե՞ս կարող ենք օգտագործել դրանք։

Ուսումնական առաջադրանքներ ստանալիս։ Օգտագործիր զրույցների օրինակներում նշված հարցը, աստվածաշնչյան համարը և բաց հարցը։ Իսկ ինչ վերաբերում է զրույցների օրինակների տեսանյութերին, ապա չպետք է նույնությամբ կրկնես դրանց խոսքերը։ Դու կարող ես ընտրել ուրիշ իրավիճակ, նախաբանի խոսքեր, մտքերի տրամաբանական այլ շարադրանք և այլն։ Կարող ես նաև ուսուցանելու գործիքների արկղից գրականություն առաջարկել, անգամ եթե հանձնարարության մեջ դրա վերաբերյալ հատուկ նշում չկա։

Ծառայության մեջ։ Զրույցների օրինակները պարզապես օգնում են հասկանալ, թե բնակիչների հետ ինչից խոսենք։ Երբ տեսնում ես, որ մարդը անկեղծ հետաքրքրված է և ուզում է ավելին իմանալ, կարող ես այդ այցելության ժամանակ իսկ շարունակել խոսակցությունը՝ օգտվելով վերայցելության օրինակից։ Դու կարող ես քո հայեցողությամբ փոփոխել զրույցների օրինակները կամ բոլորովին այլ թեմա զարգացնել։ Գուցե ձեր տարածքում ավելի գործնական է նախո՞րդ ամսվա թեման կամ մեկ ա՞յլ սուրբգրային համար։ Կամ գուցե մարդկանց ավելի շատ հետաքրքրում են ընթացի՞կ դեպքերը կամ ձեր տարածքի՞ հետ կապված լուրերը։ Անկախ նրանից, թե ինչպես կօգտագործես զրույցի օրինակները, հիշիր, որ քո նպատակը պետք է լինի՝ անել «ամեն բան բարի լուրի համար.... որպեսզի այն քարոզես ուրիշներին» (1Կթ 9։22, 23)։