ԱՊՐԵՆՔ ՈՐՊԵՍ ՔՐԻՍՏՈՆՅԱ
Ինչպես զրույց սկսել թերթիկների միջոցով
2018 թ. հունվարից սկսած՝ «Մեր կյանքը և ծառայությունը» հանդիպման ձեռնարկի առաջին էջում ներկայացվում են զրույցների օրինակներ։ Եվ խրախուսվում է կենտրոնանալ մարդկանց հետ զրույց վարելու վրա, ոչ թե պարզապես գրականություն առաջարկել։ Որպեսզի քարոզիչները կարողանան փոփոխություն մտցնել իրենց մատուցման ձևի մեջ, զրույցների օրինակների տեսանյութերում ցույց է տրվում, թե ինչպես զրույց սկսել՝ օգտագործելով միայն Աստվածաշունչը։ Բայց արդյո՞ք դա նշանակում է, որ տնետան ծառայության ժամանակ չպետք է գրականություն օգտագործենք։ Իհարկե ո՛չ։ Օրինակ՝ թերթիկների միջոցով կարելի է արդյունավետ ձևով զրույց սկսել։ Թերթիկներից յուրաքանչյուրը օգտագործելիս կարող ես կիրառել հետևյալ առաջարկները։
Տուր թերթիկի առաջին էջում գրված հարցը, որն ունի պատասխանի տարբերակներ։
Երկրորդ էջի վերևում նշված աստվածաշնչյան համարի(ների) միջոցով ցույց տուր Աստվածաշնչի պատասխանը։ Եթե ժամանակը թույլ է տալիս, կարդա և քննարկիր թերթիկում գրված որոշ տեղեկություններ։
Թերթիկը տուր բնակչին ու հորդորիր նրան կարդալ մնացած մասը, երբ իրեն հարմար լինի։
Նախքան կհեռանաս, ցույց տուր «Գուցե մտածեք» ենթավերնագրի տակ գտնվող հարցը և պայմանավորվիր հաջորդ անգամ Աստվածաշնչի միջոցով պատասխանել այդ հարցին։
Վերայցելության ժամանակ տուր պատասխանը և մեկ ուրիշ հարց նշիր հաջորդ անգամ քննարկելու համար։ Հարցը կարող ես ընտրել մեր կայքից կամ թերթիկի վերջին էջում նշված հրատարակությունից։ Եվ երբ հարմար լինի, ներկայացրու «Բարի լուր Աստծուց» գրքույկը կամ մեկ այլ ուսումնասիրության ձեռնարկ «Ուսուցանելու գործիքների արկղից»։