Զրույցը սկսելու համար գործածիր թերթիկները

¹ Չե՞ս կարծում, որ արդյունավետ վկայություն տալը մեծ մասամբ կախված է այն բանից, թե արդյո՞ք զրույցը սկսելու նախաձեռնությունը ձեռքդ կվերցնես։ Խնդիրը որևէ միտք արտաբերելն է, որը գուցե հետաքրքրի անհատին և նրան զրույցի մեջ ներգրավի։ Իսկ այդ գործում ինչպե՞ս հաջողության հասնել։

 ² Շատ քարոզիչներ այն կարծիքին են, որ մի քանի ընտրովի բառերով և Աստվածաշնչի վրա հիմնված որևէ թերթիկով կարելի է զրույցը սկսել։ Թերթիկների վերնագրերը գրավիչ են, իսկ նկարները՝ գունավոր և աչքի ընկնող։ Ընթերցանության սեղմ նյութ պարունակելու շնորհիվ թերթիկները չեն ծանրաբեռնի ընթերցողին։ Բացի այդ, դրանց համառոտ հաղորդագրությունները հետաքրքրություն են շարժում և կարող են գործածվել Աստվածաշնչի ուսումնասիրության առաջնորդելու նպատակով։

 ³ Այդ նույն կարծիքին է մի եղբայր։ Նա պատմում է. «Այս ծանրաբեռնված աշխարհում մարդիկ սովորաբար չեն ցանկանում շատ ժամանակ տրամադրել ընթերցանությանը, իսկ թերթիկները բավականաչափ տեղեկություն են պարունակում կարևոր լուրը հաղորդելու համար։ Ինֆորմացիայի այդ ոչ մեծ ծավալը չի վանում մարդկանց այնպես, որ նրանք հեռանան՝ առանց նույնիսկ թերթիկին նայելու։ Ինքս անձամբ շատ թերթիկներ կարդալուց հետո, վերջ ի վերջո, ընդունեցի ճշմարտությունը»։ Երբեք մի՛ թերագնահատիր այս փոքրիկ թերթիկների միջոցով գործող Աստծո Խոսքի զորությունը (Եբր. 4։12)։

 ⁴ Չորս ոչ դժվարին քայլ։ Շատ քարոզիչներ հաճույքով գործածում են մատուցման հետևյալ եղանակը՝ կատարելով ներքոհիշյալ չորս քայլերը. 1) Անհատին ցույց տուր մի քանի թերթիկ և հարցրու, թե դրանցից ո՛րն է նրան ավելի հետաքրքրում։ 2) Եթե նա համաձայնվում է ընտրել դրանցից որևէ մեկը, թերթիկի հիմնական թեմայի վերաբերյալ նախապես մտածված հարց ուղղիր նրան։ 3) Հարցին պատասխանելու համար թերթիկից կարդա համապատասխան պարբերությունը կամ սուրբգրային համարը։ 4) Եթե անհատը դրական արձագանք է տալիս, շարունակիր քննարկել թերթիկի բովանդակությունը կամ «Աստված պահանջում է» բրոշյուրից որևէ դաս, կամ էլ «Գիտություն» գրքի որևէ գլուխ, որտեղ տվյալ հարցի վերաբերյալ ավելի մանրամասն մեկնաբանություններ են տրվում։ Այդպիսով՝ խոսակցությունը կուղղես Աստվածաշնչի ուսումնասիրությանը։ Հետևյալ չորս մատուցումները կօգնեն քեզ գործածել ներքոհիշյալ չորս թերթիկները։

 ⁵ «Ո՞վ է իրականում աշխարհի վրա իշխում» թերթիկի վերնագիրը կարող է գործածվել որպես բացման հարց։

◼ Եթե այդ հարցին անհատը պատասխանում է՝ Աստված, կամ՝ չգիտեմ, այդ դեպքում կարդա 2–րդ էջի առաջին երկու նախադասությունները և 3–րդ էջի առաջին պարբերությունը։ Նրա ուշադրությունը հրավիրիր Ա Յովհաննէս 5։19 և Յայտնութիւն 12։9 խոսքերի վրա։ Անկախ այն բանից՝ անհատը կասկածում է Բանսարկու Սատանայի գոյությանը, թե ընդունում է, որ նա, իրոք, աշխարհի վրա իր ազդեցությունն է բանեցնում՝ կարող ես անդրադառնալ թերթիկի «Ուղեցույց թել՝ աշխարհի դրությունը» ենթավերնագրում տրվող պատաճառաբանություններին։ Եթե նա հետաքրքրվում է, առաջարկիր քննարկել այն հարցը, թե որտեղից է առաջացել Բանսարկուն՝ օգտվելով թերթիկի 3–րդ և 4–րդ էջերում տրված կետերից։

 ⁶ «Ի՞նչ հույս կա մահացած սիրելիների համար» թերթիկը կարող է անմիջապես հետաքրքրություն առաջացնել։ Կարող ես զրույցն այսպես սկսել.

◼ «Ի՞նչ եք կարծում, հույս կա՞ մեր մահացած սիրելիներին դարձյալ տեսնելու»։ Անհատի պատասխանը լսելուց հետո մատնացույց արա թերթիկի 4–րդ էջի երկրորդ պարբերությունը և կարդա Յովհաննէս 5։28, 29 խոսքերը։ Ապա բացատրիր, որ դա հասկանալու համար մեզ կօգնի թերթիկի առաջին ենթավերնագրում տրված ինֆորմացիան։ Առաջարկիր այդ ենթավերնագիրը միասին քննարկել։

 ⁷ «Ընտանեկան կյանքից հաճույք ստացե՛ք» թերթիկի վերնագիրը համընդհանուր կոչ է ընտանիքների համար։ Այն գործածելիս կարող ես ասել.

◼ «Հավանաբար դուք էլ կհամաձայնվեք այն մտքի հետ, որ ընտանիքներն այսօր քայքայվում են։ Ի՞նչ եք կարծում, ի՞նչը կարող է ընտանեկան կապն ավելի ամուր դարձնել»։ Անհատի պատասխանը լսելուց հետո նրա ուշադրությունը հրավիրիր թերթիկի 6–րդ էջի առաջին պարբերության բովանդակությանը։ Ընտրիր 4–րդ և 5–րդ էջերում մեջբերված սուրբգրային համարներից մեկը և բացատրիր դրանց նշանակությունը։ Ապա Աստվածաշնչի անվճար տնային ուսումնասիրություն առաջարկիր։

 ⁸ «Ինչո՞ւ կարող եք վստահել Աստվածաշնչին» թերթիկը կարելի գործածել հետևյալ կերպ.

◼ «Շատերն են լսել Կայենի ու Աբելի մասին պատմությունը, որն արձանագրված է Աստվածաշնչի առաջին՝ «Ծննդոց» գրքում. այդ գրքում խոսվում է նաև Կայենի կնոջ մասին։ Ձեզ երբևէ չի՞ հետաքրքրել այն հարցը, թե որտեղից նա հայտնվեց»։ Հարցին պատասխանելու համար գործածիր թերթիկի 2–րդ էջի վերջին պարբերությունը։ Բացատրիր, որ թերթիկում քննարկվում է նաև ապագայի վերաբերյալ Աստվածաշնչի տեսակետը։ 5–րդ էջի երրորդ պարբերությամբ շարունակիր քննարկումը՝ գործածելով այդ թեմայի վերաբերյալ սուրբգրային համարները։

 ⁹ Ժամանակը ցույց է տվել, որ աստվածաշնչային թեմայով թերթիկների տարածումը լավ արդյունքների է հանգեցրել բարի լուրը հաղորդելու գործում։ Ուր էլ գնաս, թերթիկները կարող ես միշտ հետդ վերցնել և արդյունավետ կերպով գործածել տնից տուն ու ոչ պաշտոնական վկայության ժամանակ։ Թերթիկները կարևոր դեր են խաղում մեր ծառայության մեջ։ Աշխատիր դրանցից միշտ քեզ մոտ պահել և անկաշկանդ գործածել զրույց սկսելու համար (Կող. 4։17)։